MATEO 8:18 - Zapotec Mixtepec: Diidz ne rdeed guielmban

¹⁸ Zeeṉe goṉ Jesús scataa ndal miech ne goclo lo me ga, dzigo bnabey me xpëëdscuel me gzhixcuaa zho, sac laa zho no tedquia stib nëz ro nisdoo co.

MATEO 8:18 Referans Kwoze

LUCAS 8:22

Tib bdze dze, bzëëbnie Jesús xpëëdscuel me tib leṉ barcw, rëb me lo zho, tedquia zho stib nëz ro nis co.

JUAN 6:15

Bieṉga Jesús racladz zho, zhoo tsienie zho me gac me zhirey zho, nacne bzoquia me guic gui win co, tipse me.

MARCOS 4:35

Zeeṉe bdze dze co, rguetsle liuw rëbchaa me lo xpëëdscuel me: ―Goḻgotsaa dieedquia ne stib nëz lo nis rii.

MATEO 14:22

Zeeṉe blozh ga, bnabey Jesús xpëëdscuel me bzëëb zho leṉ barcw, zeeṉa zienerga zho tedquia zho stib nëz ro nis co; laa me bii blëz ga, nozonëz me grë miech co.

MARCOS 8:13

Blozhse sca rëb me lo zho, ndxieque zho ga laa me bzëëb leṉ barcw laa me zie stib nëz ro nis co.

MARCOS 6:45

Zeeṉe blozh ga, bnabey Jesús xpëëdscuel me bzëëb zho leṉ barcw, zeeṉa zienerga zho tedquia zho stib nëz ro nis co, gdziṉ zho guiedz ne lë Betsaid; laa me bii blëz ga, nozonëz me grë miech co.

MARCOS 5:21

Zeeṉe laa Jesús biire brieequia stib nëz ro nisdoo co, miech guizhiu ne pcaalsa lo me ga.

MATEO 8:1

Laa Jesús ziad-zëëb cho gui win co, miech guizhiu ne naḻ zhits me,