MATEO 8:10 - Zapotec Mixtepec: Diidz ne rdeed guielmban

¹⁰ Zeeṉe goṉ Jesús sca rnee meṉ co, rley me, rëb me lo grë zha ne zienaḻ zhits me ga: ―Lo grë zha Israel, gard goṉ gaṉ naa tib zha ne squitaa dib zdoo rnalo Dios.

MATEO 8:10 Referans Kwoze

LUCAS 7:9

Zeeṉe bin Jesús sca rzë xtiidz meṉ co, bzee zdoo me, ptsire lo me, rëb me lo grë zha ne zienaḻ zhits me: ―Goḻwi gaṉle pa lotaa rnalo meṉ qui Dios. Lo grë zha Israel goṉ, ni tib zho gard gaṉ naa squitaa dib zdoo gnalo Dios.

MATEO 15:28

Horco pquiab Jesús rëb me: ―¡Squiw nagoṉ! ¡Rlu nli dib zdoo luu rnalo luu naa! Gacxe waa miṉe rnab luu i guṉ naa, niinagazh laaw gac. Horcogazh biac xpëëd wnaa co.

MARCOS 6:6

Bzee zdoo me goṉ me scataa ndip zdoo zho, ib bliladzd zho cho nac me. Blozh ga mazd güey me grë guiedz ne ndxie gax ga, güeyseed me miech.

LUCAS 7:50

Horco biire Jesús bnee me lo wnaa co, rëb me: ―Laa naa psilaa luu lo xtoḻ luu, sac dib zdoo luu bnalo luu naa. Bzë naa, peet tsieniedraa guic luu.

LUCAS 5:20

Zeeṉe goṉ Jesús ne nli dib zdoo zho rnalo zho me, me guṉguiac meṉ rzacnë co, rëbchaa me lo meṉ co: ―Peet tsienied guic luu, niinagazh laa naa guṉ perdon grëse xtoḻ luu.

MATEO 8:9

Sac zig nac naa no zha ne rnabey lo naa, ni ron naa miṉe rnabey zho; scagaa teḻ guiep naa tib lo zhaguiib ne rnabey naa: “Güey nu”, rie zho; rnegaa naa: “Dë nu”, riaad zho; zha ne ruṉgaa dziin lo naaw, miṉe rnabeytaa naa zho, ruṉ zhow. Scaque luu nagoṉ naṉpaa naa zrieelo sca gnabey luu guiac xmoz naa.

MATEO 8:11

Ni goḻquiaadiaga gaṉle, zdziṉ dze grële zha zit ne squi gnalo Dios, zha co ygaa sobnie Abraham, sobnie Isaac ni Jacob zaatne rnabey Dios.

HECHOS 2:7

Rlozhd gwi zho rnee zho: ―¡Pe nli diidz rii! ¿Zha rrieelo rnee grë zha qui xtiidz ne, ni led zha Galilé nac zho? ¡Tib tib ne ndxie ne nu, zhaase zhaase diidz ne rnee ne!