MATEO 6:7 - Zapotec Mixtepec: Diidz ne rdeed guielmban

⁷ ’Ni zeeṉe nozodiidznie to me, guṉde to ncuaaṉe nonee to lëëw rlozh, lëëw rsilo zigne ruṉ grë zha ne ruṉbeyd me. Sac zha co rzac zho por nroob diidz gnee zho, por nzian vuelt gnee zhow dzigo squiaadiag mew.

MATEO 6:7 Referans Kwoze

MATEO 26:44

Wbiire güey me güeynab me lo Dios, scaque miṉcoque bnab me.

MATEO 6:32

Grë miech ne ruṉbeyd Dios, tibaque zhgab co rio zho. Saṉgue to goḻsoladz gaṉle, Pxoz to meṉ ne zob gbaa, naṉle me pe nac grë xliaadz to,

HECHOS 19:34

zeeṉe goṉ zho zha Israel nac me, psilo zho stib grëse zho nguiedz roptsie zho, rgo zho xviv Dian rnee zho: ―¡Meṉ ndzondoo nac Dian! ¡Meṉ ndzon nac xnaxnazh ne! Zig chop hor bre zho ga sca roptsie zho.

MATEO 26:42

Dzigo güey me stib, güeyzodiidznie me Dios; scaque miṉe bnab me glo miṉcoque bnab me.

MATEO 26:39

Bzë me spalal, dzigo pquiitsgzhib me haxta bdziṉ lo me lo liu; psilo me bnab me lo Dios, rëb me: ―Papá, laa naa rnab lo luu, teḻne zala zdoo luu, bzhiguieḻ psilaa naa lo grë guieḻnë rii. Miṉ rii rnab naa lo luu, per teḻne grieeloda, miṉe gnëtaa luu, miṉ co gac.

MATEO 18:17

Teḻ niicle scaw nëdaque zho guiaaṉ to mpas, dzigo mazd goḻguiab lo grëse zha ne nacgrë to gnee zho lo zho. Teḻne niicle xtiidz zha co nëd zho gon zho, dzigotaa mazd goḻsaan zho, sacdraa to bets to ga, goḻcuee zho lad to, goḻsac zho zig rzac miech grë zha ne zienaḻ guieḻntseeb.