MATEO 6:6 - Zapotec Mixtepec: Diidz ne rdeed guielmban

⁶ Goḻguieṉ zeeṉe gzodiidznie to me, goḻsëëb leṉ lidz to dziits goḻsioog ro yu, ga goḻzodiidznie me. Ible tedsod nroob guieḻnzaac gneedz me lo to, sac niicle ncuaaṉe mazdraa ngueets zhliaana, raṉ mew.

MATEO 6:6 Referans Kwoze

MATEO 14:23

Blozhse bzonëz me zho, dzigo güey me tib guic gui zob gax ga, güeyzodiidznie me Dios, tipse me zo ga laa liu pcow.

HECHOS 9:40

Dzigo bnabey Pedr briee zho ley grëse zho, laa me biaaṉ ga, pquiitsgzhib me bnab me lo Dios. Blozhse ga wbig me lo ngutoo co, bnee me lo me rëb me: ―Guche i, Tabit. Zigne sca rëb Pedr laa lo ngutoo co bzhial, zeeṉe goṉ me laa Pedr zo ga, laa me bzobli.

HECHOS 10:9

Biini liu, zig rwe ngbidza gaxle Jop zie zho. Lëëtaaque hor co laa Pedr biep nëz glaa guic yu ne rbëz me ga. Rcaabedz me, dzigo laga noyaclo ncuaaṉe gow me laa me biep guic yu co ziezodiidznie me Dios.

MATEO 6:4

Dzigo scagaa Pxoz to nroob guieḻnzaac ne gneedz me lo to, sac teḻ me grësew raṉ me.

EFESIOS 3:14

Zeeṉe rsoladz naa grëtaa miṉe no guic Dios guṉ me, ni miṉe beeṉlegaa me (me ne nac me Dad lo grëse zha ne ngab lo me, niicle lo guidzliu nuw, niicle gbaagaaw); rded naa xquizh lo me.

ROMANOS 8:5

Grëse zha ne mban zigne racladz xcuerp ngoopdoḻ zho, loxaque grë miṉ co rioxco zho; laa zha ne mban zigne racladz Espíritu Sant, miṉe rnabey Espíritu Sant rioxco zho.

HECHOS 10:30

Dzigo bzodiidz Cornel zha bzhaac me, rëb me: ―Nadze rac tap ngbidz ga, zig znaw goṉ, no naa lidz naa nu nocuan naa, ni nonab naa lo Dios. Tibaque zeeṉe goṉ naa laa ti mgui zole lo naa, masaque riaazbel xab me,

JUAN 1:48

―¿Zha nacne ruṉbey luu naa? ―rëb Natanael. Pquiab me rëb me: ―Glole naa beeṉbey luu, dzigoraa bredz Lip luu. Zeeṉe zob luu tib zhan yag guigw, hor co goṉ naa luu.

JUAN 20:17

Dzigo rëbchaa Jesús: ―¡Xeeṉd luu naa! Sac gard guia naa lo Pxoz naa gbaa. Miṉe naca, güey güeynie diidz lo grë zha ne bzënaḻ zhits naa; gudz lo zho: Laa naa nole nëz guia naa lo meṉ ne nac Pxoz ne, meṉ ne nac Dios ne rdziuuṉbey ne.