MATEO 6:32 - Zapotec Mixtepec: Diidz ne rdeed guielmban

³² Grë miech ne ruṉbeyd Dios, tibaque zhgab co rio zho. Saṉgue to goḻsoladz gaṉle, Pxoz to meṉ ne zob gbaa, naṉle me pe nac grë xliaadz to,

MATEO 6:32 Referans Kwoze

MATEO 6:8

Guṉscade to, sac me ne nac me Pxoz to gardle gnee to xliaadz to lo me laa me naṉle pe nac ncuaaṉe rquiin to.

LUCAS 12:30

Grë miech ne ruṉbeyd Dios, tibaque zhgab co rio zho. Saṉgue to, goḻsoladz gaṉle Pxoz to meṉ ne zob gbaa, naṉle me pe nac grë xliaadz to.

EFESIOS 4:17

Laa naa rso diidz lo to nu, ni goḻquiaadiaga zig nac zeeṉe meṉ ndzon ne rnabey ne rneew lo to: gbandraa to zigne mban grëraa miech ne zozit lo Dios, grë zha ne mban zigne notaa guic;

1 TESALONICENSES 4:5

guṉd zho zigne ruṉ grëraa miech ne naṉd zha nac Xtiidz Dios; sac teḻ zha co, rzac zho loxaque par gdeedse guxt xcuerp zho, miṉcose rquiin wnaa.

FILIPENSES 4:19

Scagaa niina nagoṉ, grëse ncuaaṉe yquiintaa to, Dios meṉ ndzon ne rliladz ne, me gneedza lo to, porne nligaa dib zdoo to rliladz to Jesús; sac goṉ, nroobdoo grë guieḻndzon, grë guieḻnzaac ne rap Dios.