MATEO 6:12 - Zapotec Mixtepec: Diidz ne rdeed guielmban

¹² Bzhiguieḻ beeṉ no perdon grëse doḻ ne ziodziuuṉ no lo luu, zigne rdziuuṉ no samiech no perdon grë falt ne ruṉ zho lo no.

MATEO 6:12 Referans Kwoze

EFESIOS 4:32

Sinque none: wen gac to lo samiech to, goḻquia zdoo samiech to, goḻguṉ samiech to perdon, zigne beeṉaque Dios to perdon zeeṉe laa to beeṉbey Jesús.

MARCOS 11:25

Ni zeeṉe gnab to lo Dios, goḻsoladz dieṉ pe no cho rlëënie to, dzigo goḻguṉ zho perdon; zeeṉa scagaa, Pxoz to meṉ ne zob gbaa zuṉ me to perdon teḻ pe nactaa xtoḻ to.

EFESIOS 1:7

Ne nligaa nquialadzdox Dios ne, gane pxeeḻ me Xpëëd me bzhiee xchen psilaa me ne lo grë doḻ ne ngadoo ne, beeṉ me ne perdon grë doḻ co.

COLOSENSES 3:13

Guieedniede to samiech to, ni zeeṉe cho zha ruṉ pe tib falt lo to, goḻguṉ zho perdon. Goḻguieṉ gaṉle zha beeṉ Dios to perdon; scaque to, none guṉ to samiech to perdon.

LUCAS 11:4

Bzhiguieḻ beeṉ no perdon grëse doḻ ne ziodziuuṉ no lo luu, zigne rdziuuṉ no samiech no perdon grë falt ne ruṉ zho lo no. Gdeete luu diidz yquiil meṉdox no, beeṉ guieḻnzaac bla no lo ma.

LUCAS 6:37

’Ib guṉde to në gac zdoo to, zeeṉe raṉ to ncuaaṉe nonguieḻd ne ruṉ stib miech, sac to tozhal guṉquizh zhow; zeeṉa scagaa Dios guṉscad me to. Goḻguieṉ none guṉ to samiech to perdon, zeeṉa scagaa Dios zuṉ me to perdon;

HECHOS 13:38

’¡Grëse to bets, goḻgacnaṉ sca gaṉle! ¡Jesús nac meṉ ne rsilaa miech lo doḻ! Zha ne gliladztaa me dib zdoo zho, teḻ pe nactaa grë xtoḻ zho, saṉmbe me zho. Miṉe wlaltaa brieelod ngaa to, niicle ne zienaḻ to xley Moisés; sac niicle guṉ tow grëse zigne naca, csaṉmbeda to lo doḻ.

MATEO 9:2

Zhisaque goc bdziṉ me, laa zho bdziṉniele tib meṉ rzacnë lo me, dipse meṉ co gutoo, ib gacd së me. Lo yag zhoob me bdziṉnie zho me ga. Zeeṉe goṉ Jesús dib zdoo grë zha co rnalo zho ne me guṉguiac meṉ rzacnë co, rëbchaa me lo meṉ rzacnë co: ―¡Nley bloo zdoo luu xin! ¡Laa naa beṉle perdon grëse xtoḻ luu!

MATEO 26:28

sac lëë xchen naa i, miṉe no gzhiee par guiaaṉmbe grë miech lo xtoḻ zho sëëb zho xnëz Pxoz naa, sac lëë stib mod cub nu psaṉ me parne sëëb miech xnëz me.

LUCAS 13:4

Scaque tsiimtsoṉ zha ne bgaadz yuglaa ne bixche Siloé, masaque rëb to nagoṉ mazdraa ngoopdoḻ zho lo grëraa zha Jerusalén, gane sca gut zho.