MATEO 5:16 - Zapotec Mixtepec: Diidz ne rdeed guielmban

¹⁶ Zaacse sca goḻgac, miṉe rquiin miṉ co goḻguṉ, masaque lëëw gac zig tib biini; zeeṉa zeeṉe gaṉ miech biini co zieṉ zho gaṉle pa lotaa meṉ nroob nac Pxoz to meṉ ne no gbaa.

MATEO 5:16 Referans Kwoze

1 PEDRO 2:12

Goḻguieṉ zaacse goḻgac lo grëraa zha ne gard guṉbey Dios; niicle ne gneenë zho to niina, sac zho to zig cho grë zha ntseeb, per zeeṉe gaṉ zho ne ndzinli nac grë ncuaaṉe ruṉ to, haxta zleynie zho Dios gaḻ dze ne laa Jesús guiaadguṉ guieḻwxtis.

TITO 2:7

Luuzhal zaacse beeṉ grëse ncuaaṉe no guṉ luu, zeeṉa ga gwi zho gaṉle zha none gban zho. Zeeṉe cseed luu zho, iṉe tibliladz goc, guṉd luu ne quitnie luu zho.

JUAN 15:8

’Goḻlu sca ne nli xpëëdscuel naa nac to, goḻsaṉnon Pxoz naa, niapse ncuaaṉe rdziladz me miṉ co goḻguṉ.

EFESIOS 5:8

Nli, ¿lëë?, ndzinlid wban to glo, rrieequia lo ncow ga bio to, gocnie to meṉdox; saṉgue niina ne laa to nacnie Jesús meṉ ne nac biini, rrieequia lo biinile no to. Goḻguieṉa sca, zaacse goḻban,

1 PEDRO 3:16

Zaacse sca goḻban, zeeṉa grë zha ne rneenë to porne nac to zha ne no xnëz Jesús, zdziṉ tib dze ne ctoladz zho, zeeṉe guieṉ zho lega bnexuu zho to.

1 PEDRO 4:14

Zeeṉe rgodee miech to, rquiaago zho to loxaque ne no to xnëz Jesús, nley goḻgac; wen zie to ga, sac goṉ zhiEspíritu Dios nacnie to.

1 PEDRO 2:9

Saṉgue to, lo Diosle ngab to, me ble to, zigne rnee lo Xtiidz me: tole nac zhipxoz me, tole nac zha non ne quiayuṉ xtsiiṉ me; miech ne mbele lo doḻ nac to lo me, mele rnabey to sac me bredz to laa to briee lo guieḻcow bzëëb to lo xbiini ndzon me; zeeṉa gnee to lo miech gaṉle zha nactaa grë ncuaaṉe ruṉ me.

TITO 3:14

Grëse zha ne nacgrë ne ne rliladz ne Jesús, none cseed zho guṉ zho xyudar zha ne no liaadz; glu zho gaṉle rquiin zho, led zhlëd mban zho.

1 TIMOTEO 6:18

Gudz lo zho gacmbidzd zho, none guṉ zho grë ncuaaṉe yquiin lo samiech zho, ycad zho ncuaaṉe quianie zho, iṉe guṉ zho xyudar zha ne peet quianied.

2 CORINTIOS 9:13

Zley zho gaṉ zho grëtaa ncuaaṉe cxeeḻ to yquiin zho; ni zleynie zho Dios gaṉ zho ron to miṉe rnabey Xtiidz Jesús.

EFESIOS 2:10

Dios nac meṉ ne psaṉ ne, ni niina ne laa ne bziaab xnëz Jesús, laa me bredz ne dziuuṉ ne grë guieḻwen ne racladz me, miṉe bzooblole me ne dziuuṉ ne.

HEBREOS 10:24

Goḻgotsaa dzioxco ne cseedlsa ne gleynie ne zha ne nacgrë ne, ni dziuuṉ ne ncuaaṉe yquiin lo ne grë ne.

1 PEDRO 4:11

Zha ne rseed miech Xtiidz Dios, none gnee zhow zigne racladz me. Zha ne ruṉgaa pe stib xtsiiṉ Dios, ib yquiad zdoo zho none guṉ zhow dib nacse guieḻndaan ne rdeed Dios lo zho. Ncuaaṉe guṉtaa to, goḻtsienie guic to ne laaw guṉ to par csaṉnon to lë Dios. Ga glu ne xtsiiṉ Jesús quiayuṉ to, meṉ ndzon ne rnabey, meṉ ne gdziṉd dze gdzëë. Sca rieguiaḻa.

1 TESALONICENSES 2:12

pso no diidz lo to zaacse gac to, gban to zigne no gban zha ne no xnëz Dios, meṉ ne bredz to gdziṉ to lo xquieḻndzon me, zaatne rnabey me.

1 PEDRO 3:1

Bzian, to ne nac to meṉ wnaa ne ptsieelniale, goḻgon xtiidz tsieel to. Niicle teḻ nëd zho gliladz zho Xtiidz Dios, per zeeṉe gaṉ zho ne nligaa ndooladz nac to, iṉe ndzinli rac to, haxta zhal zho laa zho yquiabladz gliladz zhow. Yquiindraa ne gooṉ chopaa yquia gneew lo zho.

HECHOS 9:36

Gaxaque Lida riaaṉ ti guiedz lë Jop. Jop ga no ti wnaa ne rliladz Jesús, lë Tabit (laa xtiidz zha Gres rnee zho me Dorc). Nquialadz me miech, grë zha ne guieṉd pe yquiin, ruṉ me xyudar zho.

1 TIMOTEO 5:25

Scaquegaa zha ne ruṉ guieḻwen, no ncuaaṉ co znuse glu; nogaaw, niicle ne rluda niina per ible zdziṉ dze ne laaw glu.

MATEO 5:45

Zeeṉa sca glu nli xpëëd meṉ ne zob gbaa nac to. Goḻgaṉ gaṉle teḻ me rnabey me rziini ngbidz lo grëse miech, zigtaa lo zha wena, zigtagaa lo zha ntseeba; scaque nisguie me rsiaaba rquiin zho grëse zho, rbed me dieṉ cho ngable lo me, chogaa ngabd lo me.

TITO 2:14

Sac goṉ, me bgaadz guieḻgut ne nioguiaḻ ne, me bdiizh grëtaa guieḻntseeb ne bdziuuṉ ne, psaṉmbe me ne lo grëtaa ncuaaṉe bdziuuṉ ne; gane niina, lo me ngab ne, ni none dzioxco ne gban ne zigne rnabey me.

1 TIMOTEO 2:10

Par gluniow zho, rquiin zaacse gbannie zho samiech zho, zig none gban zha ne nole xnëz Dios.

GALATAS 1:24

Dzigo rley zho, rdeed zho xquizh lo Dios ne yele naa rliladz Jesús.

TITO 3:4

Per bdziṉ dze, zeeṉe laa Dios (meṉ ne psilaa ne lo doḻ) blu gaṉle pa lotaa nac xquieḻwen me, pa lotaa nquialadz me miech,

1 CORINTIOS 14:25

Zigse quianee to laa zdoo zho lozh yguudz, laa zho ted yquiitsgzhib zho gnab zho perdon lo Dios; ga guieṉ zho gaṉle ne nli nacnie me to.

LUCAS 11:2

Dzigo rëbchaa Jesús: ―Zeeṉe gzodiidznie to Dios, goḻguiab: Dios, luu nac Pxoz no, zob luu gbaa; luuse nac meṉ ne mazdraa ndzon. Luu nac meṉ ne gnabey no, miṉe gnabeytaa luu, zigne raca gbaa, scaque none gaca lo guidzliu nu.

MATEO 9:8

Grë miech guizhiu ne ndxie ga, zeeṉe goṉ zho sca beeṉguiac me mgui co, bdzieb zho. Psilo zho rdeed zho xquizh lo Dios, scataa poder ne bdeed Dios lo me.

MATEO 23:5

’¡Grë ncuaaṉe ruṉ zho, laaw ruṉse zho par gaṉpaa miecha! Par guiab miech nguzobdiidz zho lo Dios, rio zho led zhid nzhen grë lo cint rquiaa zho Xtiidz Dios, rlozh ga rzhidoow yaṉ nia zho, rzhidoow quia zho ne. Lar ne rbix zhow, rlozhd dieeṉ peraa rquia lada, xab zhow, haxta zhits ni zho rbiba.

MATEO 6:16

’Stiba, zeeṉe nocuan to nozodiidznie to me, guṉmbande to lo to. Sac grë zha ne rquiaalo miech wen nac zho, sca ruṉ zho; zeeṉe nocuan zho xtsiinpaa ruṉ zho ruṉmban zho lo zho par gaṉ miech laa zho nocuan. Gneli naa lo to gaṉle, zha ne sca ruṉ lëële guieḻnzaac ne ygaa zho ga.

MATEO 23:9

Ib guṉde to zig ruṉ grëraa miech, ruṉnon zho tib samiech zho rnee zho lëë pxoz zho ga, sac tibaque meṉ ne nac Pxoz to, lëë meṉ co no gbaa.

MATEO 6:9

Gacxe waa zeeṉe gzodiidznie to me, znu goḻnee: Dios, luu ne nac luu Pxoz no, zob luu gbaa; luuse nac meṉ ne mazdraa ndzon.