MATEO 4:10 - Zapotec Mixtepec: Diidz ne rdeed guielmban

¹⁰ Horco pquiab me rëb me lo ma: ―¡Biche lo naa nu meṉdox! Znu goṉ zhobnee lo Xtiidz Dios: “Diosse nac meṉ ne rnabey, mese none guṉnon luu, lo me rieguiaḻ yquiitsgzhib luu; ni miṉe rnabey me miṉ co none guṉ luu.”

MATEO 4:10 Referans Kwoze

LUCAS 4:8

―¡Biche lo naa nu meṉdox! ―rëb me lo ma―. Znu goṉ zhobnee lo Xtiidz Dios: “Diosse nac meṉ ne rnabey, mese none guṉnon luu, lo me rieguiaḻ yquiitsgzhib luu; ni miṉe rnabey me miṉ co none guṉ luu.”

SANTIAGO 4:7

Goḻguieṉ sca, iṉe ndooladz goḻgac, goḻgon miṉe rnabey Dios. Gdeetraa to diidz yquiil meṉdox to, sca goḻguṉ zeeṉa zhal ma gbiche ma lo to.

1 PEDRO 5:9

Dziits goḻso gdeete to diidz yquiil ma to. Tibaque dib zdoo to goḻnalo Dios. Naṉle to gaṉle dipse lo guidzliu, zha ne notaa xnëz me, scaque quiaded zho.

MATEO 16:23

Zeeṉe bin mew, zoque Pedr ga, biecw me rëb me: ―¡Biche lo naa nu meṉdox! ¡Loxaque no luu par guṉgüet luu naa! Zienied guic luu miṉe rnabey Dios, sinque miṉe rleynie miech, miṉ co zienie guic luu.

MARCOS 1:13

bio me ga choo ngbidz. Ga no me güey Satanás (ma ne rnabey lo grëse meṉdox), gocladz ma niuṉgüet ma me. Bdedse ga, güey grë xanjl Dios güeygaṉ zho me.

LUCAS 10:18

Dzigo pquiab me rëb me lo zho: ―Haxta ma ne rnabey lo ma, goṉpaa naa goṉ briṉgaa ma, biab ma zig riabse tib belye.

LUCAS 11:18

Scaque meṉdox nagoṉ, teḻne lëëque lëë ma guṉcxooṉ sameṉdox ma, ¡pe nale na bnitlo ma! Laa naa rne miṉ rii lo to, porne rnee to ma ne rnabey lo meṉdox nacnie naa, gane rrieelo ruṉcxooṉ naa ma.

LUCAS 13:16

Zha nac dzigo rzac to, nonguieḻda nu beṉ naa beeṉguiac naa wnaa rii, dze rii. Goḻwi gaṉle zha xtii Abraham nac me, leṉ tsiimtsoṉ iz goc sca nosacsi meṉdox me.

LUCAS 22:3

Tib dzew, laa meṉdox bzëëb zdoo Judas Iscariot, tib zha ne rzëniepaa me ga,

LUCAS 22:31

Horcoque bnee me lo Pedr rëb me: ―Bina gaṉle Pedr, racladz Satanás goṉ ycuiib ma to, zigne ruṉ zho zhobxtil.

JUAN 13:27

Zigne bnaaz Judas guietxtil co, laa meṉdox bzëëb zdoo Judas. Dzigo rëbchaa Jesús lo Judas: ―Miṉe no guic luu guṉ luu, na zeeṉ nawdzegazh beeṉa.

HECHOS 5:3

Dzigo rëbchaa Pedr lo me: ―Ananí, ¿pe nacne bdeed luu diidz bzëëb meṉdox zdoo luu? Meṉdox i goṉ noquiil luu naṉ luu yquidiee luu Espíritu Sant, rnee luu lëë grë dimi ne bdo liuṉ luu nu.

HECHOS 26:18

tsienee luu lo miech gacnaṉ zho miṉe nacpaa diidzli, zeeṉa griee zho lo ncow gbig zho nëz lo biini, griee zho ladznia meṉdox ygab zho lo Dios. Dib zdoo zho gliladz zho naa zeeṉa guṉ Dios zho perdon, ni ygaa zho zaatne gdziṉ grëse zha ne mbe zdoo.”

1 CORINTIOS 5:5

Squi ndxie to grë to, goḻzonëz zha co, goḻcueegazh zho lo to i, tsie zho tsietsobe zho ladznia meṉdox, ga tednë xcuerp zho guieṉ zho gaṉle pe noyuṉ zho; naṉd new togo zzhixcuaa zho stib, zeeṉa ycaania Jesús zho gaḻ dze ne laa me gbiire guiaad.

1 CORINTIOS 7:5

Goḻguieṉ sca, niicle mguiw niicle wnaaw nodne yca zho xcuerp zho lo tsieel zho. Laa teḻne rzacgaa zho none yquiind zho tsieel zho tib blalaa dze, sac rquiabladz zho gzodiidznie zho Dios, wena totsaque guiaaṉ zhow diidz grop zho. Per zigne ted ga, gbiireque gnee zho lo tsieel zho, sac goṉ zha ne grieelod cxecw, nend ccheep meṉdox zho guṉ zho guieḻyozh.

2 CORINTIOS 2:11

ni scagaa gleyd meṉdox guṉgüet ma ne. Led naṉle to gaṉle, zombëzle ma dieṉ zha gnitnëz ma ne.

2 CORINTIOS 11:14

Ni led ncuaaṉe gzeed zdoo ne ga. Sac ible sca ruṉ meṉdox, no hor rzëëb ma rded ma zig tib xmandad Dios.

2 CORINTIOS 12:7

Ne nligaa ndzondoo nac grë ncuaaṉe blu Dios lo naa ga, zac nazho guṉniats naa naa sac naa goṉa; per parne guṉd naa miṉ co, laa Dios bdeed diidz biaad tib xmandad meṉdox psaṉwin naa, biaaṉ tib yoob xcuerp naa zig nac zeeṉe pe tib guiets nroob ne niaaz naa.