MATEO 3:7 - Zapotec Mixtepec: Diidz ne rdeed guielmban

⁷ Laa zeeṉe raṉ me grë zha farisé, zha saducé ne rdziṉ lo me ga racladz zho ye zho chobnis, dzigo rnee me lo zho: ―¡Miech ngoopdoḻ, masaque nac to zig nac meeḻ! Naṉ to na lëë, loxaque chobnis to laa to laale lo grë guieḻnëdox ne ziaadyob.

MATEO 3:7 Referans Kwoze

MATEO 12:34

¡Scaque to nagoṉ zhin meṉdox! ¿Zha naṉ to nadieṉ gac to miech wen, teḻ desde zdoo to ntseeb? Miech ntseeb to gane squi rzë xtiidz to, sac goṉ, ¡grëse diidz ne rriee ro miech, zdoo zho rzaw!

1 TESALONICENSES 1:10

Ni rzodiidz zho zha zienie guic to ne ible zdziṉ dze guiet Jesús gbaa guiaad me stib, ni quiambëz to gdziṉ dze co. Xpëëd Dios nac Jesús, Dios bleeban me lo guieḻgut, ni me psilaa ne lo guieḻnëdox ne ziaadyob guiaad.

ROMANOS 1:18

Ndioṉle ne gaṉle no guieḻnë ro ne csiaab Dios ygaa grëse miech ntseeb, miech ne nëd gac-wen, ni desde gbaa cxeeḻ me guieḻnë ne ygaa zho; sac por xquieḻntseeb zho rsaand zho gacnaṉ grëraa miech miṉe nac diidzli.

MATEO 23:33

¡Miech ngoopdoḻ! ¡Zhin meṉdox! Teḻne csaande to xquieḻntseeb to i, ib tedsod goṉ gabiḻ guey to.

ROMANOS 5:9

Gotsaa gwi ne gaṉle, zha nactaa guieḻnë ne bded Jesús psaṉmbe me ne lo xtoḻ ne, psaṉwen me ne lo Dios; ni scaque nagoṉ, ible me csilaa ne lo grëtaa guieḻnëdox ne csiaab Dios ygaa grë miech ntseeb. Ne nligaa, csaand me dziaṉ ne guieḻnë co; sac goṉ, teḻ scataa miṉe beeṉ me por ne zeeṉe nac ne tib miech ngoopdoḻ, zeeṉe scataa ntseeb goc ne blëënie ne Dios, ¿pe leḻ na dzigo ne laa ne biaaṉwenle lo Dios, laa ne biaaṉle zig tib zha ne peet xtoḻd?

MATEO 22:23

Dze coquew, güey bla zha saducé lo Jesús. Nac zha saducé rliladzd zho zdziṉ dze grieeban miech. Dzigo bdziṉ zho,

MATEO 16:6

Lega nacle psilo me nonee me lo zho, rëb me: ―Goḻguieṉ goṉ, napaa noyab to lo zhincobi zha farisé, lo zhincobigaa zha saducé.

1 JUAN 3:10

Nieeṉpaa cho nac xpëëd Dios, chogaa nac xpëëd meṉdox, sac grëse zha ne ruṉ guieḻntseeb, grëse zha ne rleynied samiech, led xpëëte Dios nac zho;

JUAN 9:40

Blalaa zha farisé zo ga, zeeṉe bin zho sca rëb me, rëbchaa zho lo me: ―¿Rzë diidz qui na lëë ye lo no roḻd?

HEBREOS 11:7

Zig nac Noé, ne dib zdoo me bnalo me Dios, gane bliladz me xtiidz Dios zeeṉe rëb Dios lo me pe nac ncuaaṉe ziaadyob gac; bin me diidz bzaa me tib barcw nroob, ni leṉ barcw co bio me gza xpëëd me ni tsieel me, blaa zho lo guieḻnë co. Ni ne sca bnalo me Dios, gane ible zgaa me grë miṉe gdeed Dios lo grë zha ne biaaṉmbele lo Dios; laa grë zha ntseeb co, ib bnalod zho Dios, gane sca bnitlo zho.

HECHOS 26:5

Naṉpaa zho zha farisé goc naa, ni zha farisé nac zha ne rioxcoraa ruṉ grëse miṉe rliladz zha Israel.

HECHOS 20:31

Gacxe waa laa naa rne lo to, ¡nsin goḻso! Goḻsoladz gaṉle tsoṉraa iz, dze guieel pseed naa to, blactaa biin naa pso naa diidz lo to tib tib to zaacse gac to.

HECHOS 15:5

Miṉ co quianee zho zeeṉe guso bla zha ne glo goc farisé rëb zho, grë zha ne nacd zha Israel zeeṉe laa zho rliladz Jesús ib none tso zho bey, ni none guṉ zho grëse miṉe rnabey Xley Moisés.

HECHOS 5:17

Zeeṉe goṉ meṉ ne nac pxoz nroob ne rnabey, ni grë zha saducé, scataa racnie miech grë zha poxtl co, per nli blëë zho,

JUAN 8:44

Goḻgacnaṉ sca gaṉle, lëë pxoz to ga goṉ nac meṉdox, lo ma ngab to, gacxe waa rdziladz to ruṉ to grë ncuaaṉe ruṉ ma. Teḻ meṉdox, haxta zeeṉe biaaṉ guidzliu tibaque nonitlo ma miech, ni ib rneed ma miṉe nac diidzli, sac ib naṉd ma zha nac diidzli. Ible lëë xtsiiṉ ma ga nac guieḻwquidie, gacxe waa ma nac pxoz zha ne rquidie.

JUAN 1:24

Horco laa zha ne pxeeḻ zha farisé pquiab, rëb zho lo Juan:

LUCAS 18:11

Zha ne nac farisé ga, psilo zho rnee zho: “Dios, rnedz naa xquizh lo luu, sac nacd naa zigne nac grë miech ngoopdoḻ, zig nacse zha ne zo i. Wlaltaa ruṉd naa guieḻgbaan, ruṉd naa guieḻntseeb, niicle rquiangoobd naa stib wnaa.

LUCAS 16:14

Grë zha ne nac farisé zeeṉe goṉ zho sca rnee me, leḻ rzhidznie zho me, sac teḻ zhaw rleyniedox zho dimi.

LUCAS 7:30

Saṉgue grë maistr ley ni grë zha farisé, pe liaadz zho nion zho miṉe rnabey Dios, ib güeyd zho nchoobnis Juan zho.

MARCOS 12:18

Bdziṉaque zla zha saducé, rëb zho lo me:

MARCOS 12:13

Zhisaque goca, laa zho pxeeḻaque zla zha farisé, ni zla zha ne nacnie Herod, zie zho zieguṉgüet zho Jesús par dieṉ zha cxiṉ me tib diidz; zeeṉa sca gdeeda diidz tsiezo zho me lo wxtis.

MARCOS 8:15

Laa zho zie, tibaque zeeṉe rëb me lo zho: ―Goḻguieṉ goṉ, napaa noyac-wet to lo zhincobi zha farisé, lo zhincobigaa rey Herod.

MATEO 22:34

Grë zha farisé ne ndxie ga, goṉ zho sca psioog Jesús ro grë zha saducé co. Horco biire grë zha farisé co bzodiidz zho stib.

MATEO 22:15

Blalaa zha farisé ne ndxie ga güey zho bnediidz zho dieṉ zha guṉgüet zho Jesús cxiṉ me tib diidz, zeeṉa miṉ co yquiaaqui tsiezo zho me lo wxtis.

MATEO 12:24

Zeeṉe goṉ zha farisé sca rnee grë miech co, rzachaa zdoo zho rnee zho: “Pe Dios nazho cxeeḻ me, ma ne rnabey lo meṉdox ma co nacnie me, gane rrieelo ruṉcxooṉ me meṉdox.”

MATEO 5:20

’Rso naa diidz lo to sca, zaacse goḻgac guṉde to zigne ruṉ grë maistr ley, grë zha farisé; sac teḻne tsoxcode to gban to zigne racladz Dios, grieelod gdziṉ to zaatne rnabey me.

HEBREOS 6:18

Zeeṉe sca rsaṉ Dios diidz, ni rzeet me lë me, choot grieelodraa ctsëë miṉe rnee me, ni niicle megaaw nacd me meṉ ne rquidie. Gacxe waa, grëse ne ne nac ne zha ne wbig lo me, none iṉe nley gac ne, sac ndioṉpaa ne ne ible zneedz me miṉe psaṉ me diidz ygaa ne.

MATEO 15:12

Horco wbig xpëëdscuel me, rëb zho: ―¿Pe bieṉ luu gaṉle blëë zha farisé goṉ zho sca rëb luu lo zho?

MATEO 16:1

Magdal no Jesús, bdziṉ bla zha farisé ni zla zha saducé lo me, gocladz zho niuṉgüet zho me dieṉ pe nxiṉd me tib diidz, pe tib ncuaaṉe nonguieḻdgaa niuṉ me. Rquiaalo zho rnab zho lo me guṉ me pe tib milagr, zeeṉa gliladz zho nli Dios pxeeḻ me.