MATEO 27:43 - Zapotec Mixtepec: Diidz ne rdeed guielmban

⁴³ ¡Conque tant rnalo me Dios, haxta rnee me Xpëëd Dios nac me, guiaadsilaa Dios me i nazho!

MATEO 27:43 Referans Kwoze

JUAN 10:36

¿niacxe rguitnie naa me ga, zeeṉe rne naa Xpëëd me nac naa, ni mezhal bzooblo naa pxeeḻ me naa lo guidzliu rii?

JUAN 19:7

Pquiab zho rëb zho: ―¡Rdziaap no xley no! Ni ley co rnabey ib none guet me, sac rquidie me rnee me laa me nac Xpëëd Dios.

JUAN 10:30

Ni tibaque nac no grop no me.

MATEO 27:40

rnee zho lo me: ―Led rëb luu lëë laa luu ntsiḻ yadoo, ni tsoṉaque ngbidz nzaalo luu stiba, ¿pe nac dzigo rrieelod luu guieet luu i? Teḻne nli Xpëëd Dios nac luu, biet lo qui.

MATEO 27:54

Grë meṉguiib ne quianap me ga, ni zha ne rnabey lo zho, zeeṉe goṉ zho bni zho co, ni goṉ zho grë ncuaaṉe goc ga, per nli bdzieb zho. ―¡Ne nlipagaa ―rnee zho―, Xpëëd Dios nac meṉ qui!

LUCAS 23:35

Ndal miech ne ndxie quiawi. Haxta grë zha ne nac wxtis zo ga, no zho rzhidznie zho me, rnee zho: ―Stib miech scataa beeṉguiac me, stib miech scataa bla me. ¿Pe rac me na ne riete me i? ¡Guiet me i zho, teḻne nli me nac Meṉ ne zëëble diidz cxeeḻ Dios, teḻne nli Dios bzooblo me ziaad me!

LUCAS 23:37

―¡Zhirey zha Israel name nac luu! Psilaa luu lo guieḻnë qui nazho.