MATEO 27:19 - Zapotec Mixtepec: Diidz ne rdeed guielmban

¹⁹ Laa Pilat zob lo xcan ne ruṉ me guieḻwxtis, zeeṉe bdziṉ tib mandad rëb lo me: ―Znu në tsieel luu: bzhiguieḻ me peet guṉd luu meṉ qui, rlu peet xtoḻd me; sac nieewdze me nroob ptseb mcaaḻ tsieel luu.

MATEO 27:19 Referans Kwoze

MATEO 27:24

Goṉse Pilat rquiaadiagd zho xtiidz me, leḻ mazdraa rac zho, dzigo bnab me nis, squi ndxie zho bdiib me nia me, rëb me lo zho: ―¡Naṉle to nasca, led xtoḻdraa naa nu ne laa xchen meṉ rii gzhiee, sac naṉpaa naa peet falt rapd me!

1 PEDRO 2:22

Teḻ me ni tib doḻ beeṉd me, ni tib miech pquidied me.

JUAN 19:13

Zeeṉe bin Pilat sca rëb grë miech co, bnabey Pilat briee Jesús nëz ley stib. Dzigo güeysob Pilat lo xcan ne zo ley co, zaatne rzob me ruṉ me guieḻwxtis. (Dipse ley co, niapse quie lag now; gane rnee zha Israela Gabata.)

LUCAS 23:47

Zha ne rnabey lo zhaguiib ne pquiaa me lo cruz ga, zeeṉe goṉ zho zha blozh me, bieṉ zho Dios beeṉ miṉ co, rëb zho: ―¡Ne nlipagaa tib meṉ peet xtoḻd goc meṉ qui!

1 JUAN 2:1

Xin yeeṉa, laa naa rso diidz lo to: Guṉctaldraa to xtoḻ to; teḻne naṉdgaa new cho tib to zha beeṉ pe tib doḻ, goḻsoladz gaṉle no tib meṉ ne quianab lo Dios meṉ ne nac Pxoz ne yquia zdoo me ne, lëë meṉ co nac Jesús, lo me goḻbig (teḻ me ni tib doḻ rapd me).

MATEO 27:4

bdziṉ Judas rëb Judas lo zho: ―Naraa rieṉ naa lëda nu beṉ naa. ¡Tib doḻ nrooble nu, znu biaḻto naa tib meṉ ne peet xtoḻd! Pquiab zho rëb zho: ―¡Miṉcotaa goṉ ndioṉd no! ¡Xcuentzhe luu ga!

MATEO 2:22

Per zeeṉe bin José lëëque tib xpëëd Herod meṉ ne lë Arquelá, meṉ co biaaṉ xlugar Herod zobnabey xtan Judé, bdzieb José ndziṉnie me mëdyeeṉ co nëz co. Dzigo bneeque Dios lo me lo mcaaḻ tsie me nëz Galilé.

MATEO 2:19

Goc palal dzew laa Herod gut, dzigo pxeeḻ Dios tib xanjl me güeynee lo José lo mcaaḻ zaatne no José nëz Egipt, rëb me lo José:

MATEO 1:20

Zhgab co no me, tibaque blulo tib xanjl Dios lo me lo mcaaḻ. ―José (xiag David) ―rëb anjl co―, peet tsienied guic luu, pcaania Marí gac me tsieel luu; sac goṉ mëdyeeṉ ne zoney me ga, Espíritu Sant bnabey pquialo win zdoo me.

LUCAS 23:41

Bieṉ gaṉle, ¡teḻ ne ible miṉ rii rioguiaḻ ne grop ne, nu nodizh ne grë guieḻntseeb ne bdziuuṉ ne; saṉgue meṉ qui, peet doḻ rapd me!

MATEO 27:18

Sca rëb Pilat sac bieṉ Pilat loxaque porne ndal miech nobig lo Jesús miṉ co ne rlëënie zho me, bnabey zho bgaa me.

HECHOS 12:21

Dzigo bzo Herod ti dze ne tsie zho tsiezodiidznie zho me. Zeeṉe goḻ dze co, got me lar niazh ne racw rey; bdziṉ me bzob me lo zhixcan me, psilo me bnee me lo grë miech co.

HECHOS 18:12

Laa zeeṉe bzob meṉ ne lë Galión zobnabey me xtan Acay, grë zha Israel ne no Corint ga bnediidz zho grë zho bnaaz zho Pabl güeyzo zho me lo Galión

HECHOS 18:16

Bleega Galión zho nëz ley.

HECHOS 18:17

Dzigo bnaaz zha guiedz co ti meṉ lë Sóstenes, meṉ ne rnabey xyadoo zha Israel ga; goṉlo Galión bdiṉ zho me, per peet rëbd Galión.

HECHOS 25:6

Ndziibsraa ti zhmal blëz me Jerusalén ga, dzigo laa me biire zey Cesarea. Zna dze bdziṉ me biinigazh liu co güey me yulow, bnabey me gocredz Pabl.

HECHOS 25:10

Dzigo rëbchaa Pabl: ―¡Gad naa! ¡Nod pe nac ga naa ga, to rieguiaḻ guṉ guieḻwxtis rii! Beṉque naṉ wen luu gaṉle peet falt nzëëbd naa lo zha Israel.

HECHOS 25:17

nacne biaad zho nu. Zna dze blanso zho, biinigazh liu co bnabey naa gocredz me.