MATEO 27:16 - Zapotec Mixtepec: Diidz ne rdeed guielmban

¹⁶ Leṉ dze co no tib zha ntseeb ladzguiib lë Barrabás, zëëb xtiidz zho.

MATEO 27:16 Referans Kwoze

MARCOS 15:7

Leṉ dze co no tib mgui lë Barrabás ladzguiib, ni zla zha ntseeb ne nacgza me, laa zho no ga sac nzian zha ne beet zho zeeṉe gocntseeb zho lo gobiern.

ROMANOS 1:32

Niicle ne naṉpaa zho zha rnabey Dios none gban miech, niicle ne naṉpaa zho grëse zha ne ruṉ guieḻntseeb, ib tedsod znitlo zho; ni laa zho bii quiayuṉa, ni haxta rley zho raṉ zho cho grëraa zha ne ruṉ grë miṉe ruṉ zho.

HECHOS 3:14

Bdeete to diidz nlaa meṉ ne nac meṉ ndzon, meṉ ne peet xtoḻd; leḻ bnab to blaa tib zha ntseeb ne nzëëb ngutoo.

JUAN 18:40

Pquiabbe zho, rëb zho: ―¡Csilaad luu me! ¡Mazd psilaa Barrabás! Ni laa Barrabás tib ngbaan nac Barrabás.

LUCAS 23:25

Blozhse bnabey Pilat psilaa zho Barrabás, zha ntseeb ne no ladzguiib ga, dzigo laa Pilat psaṉ Jesús ladznia zho.

MATEO 27:15

Gzobse iz, zeeṉe raḻ lni Pascw rnabey Pilat rlaa tib zha ne no ladzguiib, zha ne gnabtaa meṉguiedz laa.

MATEO 27:17

Nacne rëb Pilat lo grë zha ne ndxie ga: ―¿Cho racladz to csilaa naa? ¿Pe silaa naa Barrabás, te silaa naa Jesús ye, meṉ ne nac diidz pxeeḻ Dios lo to?

ROMANOS 16:7

Goḻdeed zhibdiuzh naa lo Andrónic, lo Junias, grop meṉladz naa zha ne no i; gzapaa no zho bdzio ladzguiib. Glo zho bliladz Jesús lo naa, zha nziuu nac zho lo grë zha ne pxeeḻ Dios nonee Xtiidz me.