MATEO 27:12 - Zapotec Mixtepec: Diidz ne rdeed guielmban

¹² Grë zha ne nac pxoz rnabey ga, ni grë zha ne nac zha non lo meṉguiedz, rzadraa ncuaaṉe rquiaqui zho me; per ni tib diidz rtsired me lo zho.

MATEO 27:12 Referans Kwoze

MATEO 26:63

Goṉ pxoz nroob co rquiabdaque Jesús, rëbchaa me: ―Zig zob Dios mban ne no gbaa, laa naa rnab lo luu bneeli lo no dieṉ cho nac luu. Bnë teḻ nli Xpëëd Dios nac luu, Meṉ ne zëëble diidz ga cxeeḻ me.

1 PEDRO 2:23

Niicle zeeṉe blooredz zho lo me, ible ptsired me lo diidz co; niicle zeeṉe quiasacsile zho me, ib gocntseebd me lo zho; sinque grësew psaṉ me ladznia Dios, meṉ co guṉ guieḻwxtis zigne no gaca.

HECHOS 8:32

Znu rnee zaatne nolab me ga: Zigne racse mëcwxiil yeeṉ zeeṉe rnaaz zho ma rut zho ma, scadaa ndooladz goc me, peet beeṉd me zeeṉe laa zho zienie me. Ni zigne roptsied ma zeeṉe rtsiib zho ma, scaque ni tib diidz ptsired me lo zho.

MATEO 27:14

Bzee zdoo Pilat goṉ Pilat, ible rquiabd me.

MATEO 27:13

Dzigo rëbchaa Pilat lo me: ―¿Pe nacne rquiabd luu? ¿Pe ib rond luu grëtaa ncuaaṉe rquiaqui zho luu i?

LUCAS 23:9

Psilo Herod nzian grë ncuaaṉe rnabdiidz Herod lo me, per ni tib lo wnabdiidz co ib ptsired me.