MATEO 26:61 - Zapotec Mixtepec: Diidz ne rdeed guielmban

⁶¹ rëb zho: ―Bdzioṉ no goṉ rnee me laa me ctixche yadoo ne zob lad guiedz nu, zaatne riodziaṉ ne Dios, lozh ga tsoṉaque ngbidz gzaalo me stiba.

MATEO 26:61 Referans Kwoze

MATEO 27:40

rnee zho lo me: ―Led rëb luu lëë laa luu ntsiḻ yadoo, ni tsoṉaque ngbidz nzaalo luu stiba, ¿pe nac dzigo rrieelod luu guieet luu i? Teḻne nli Xpëëd Dios nac luu, biet lo qui.

MARCOS 15:29

Grë miech ne rded zaatne quia me lo cruz ga, ruṉnguzee zho me, rzhidznie zho me, haxta rdzi guic zho rnee zho lo me: ―¡Pe led rëb luu lëë, laa luu ntsiḻ yadoo ni tsoṉaque ngbidz nzaalo luuw stib!

HECHOS 22:22

Zeeṉe bin zho sca rëb me bdeetraa zho diidz nee me, psilo zho nguiedz roptsie rnee zho: ―¡Ib rieguiaḻdraa gban meṉ qui! ¡Goḻnitlogazh me!

HECHOS 18:13

rëb zho: ―Laa no ziaadnie mgui rii lo luu, sac laa me quiaguiits xley no, quiago me guic miech tsiegaṉ zho Dios sti mod miṉe ni nacdraa ley.

HECHOS 17:18

Tib dze bdzieelo me bla zha rac ne zienaḻ zhiwseed ti meṉ lë Epicur, ni zla zha ne zienaḻ wseed ne rnee zho estoic; psilo me bzeet me Jesús lo zho, bnee me zha brieeban Jesús. Zeeṉe bin zho zha rnee me, no bla zho rzhidznie me, rnee zho: ―¡Dieeṉ pe riab guic meṉ qui rnee me, ziaadquidie me miech! Zlagaa zho rnee, nend cho zhiwseed sti Dios ne rliladz miech stib dan zienie Pabl, gane sca rnee Pabl;

JUAN 9:29

Sac teḻ Moisés, ndioṉ no nli Dios pxeeḻ Moisés, per mgui co ni ndioṉd no dieṉ pa briee me.

LUCAS 23:2

Ga psilo zho nzian grë ncuaaṉe rquiaqui zho me, rëb zho: ―Laa no bnaaz meṉ rii goṉ ziaadnie no me lo luu, sac bgaa me noquiil me meṉladz no gacntseeb zho. Rnee me lo zho nonguieḻda gdeed zho dimi ne razh lo zhirey ne, meṉ ne zob Roma; haxta rnee me mele nac rey ne guṉbey zho, sac Dios pxeeḻ me ziaad me.

MATEO 26:71

Laa Pedr ziele nëz ro puert ne quia ro nëz, zeeṉe goṉ stib ndzoop ne rquia dziin ga Pedr, rëb ndzoop lo zha ne ndxie ga: ―Ye mgui qui goṉ nacgrë meṉ Nazaret ne bdziṉnie zho i.

MATEO 12:24

Zeeṉe goṉ zha farisé sca rnee grë miech co, rzachaa zdoo zho rnee zho: “Pe Dios nazho cxeeḻ me, ma ne rnabey lo meṉdox ma co nacnie me, gane rrieelo ruṉcxooṉ me meṉdox.”

MATEO 26:62

Dzigo hor co bzoli meṉ ne nac pxoz nroob, rëb me lo Jesús: ―¿Pe nacne rquiabd luu? ¿Pe nli sca rnee luu, te nlida ye?

MATEO 27:5

Horco pcheḻ Judas dimi co leṉ yadoo. Lo guieḻnë co briee Judas ga güey Judas lëëque Judas pxiiyaṉ Judas.

MARCOS 14:58

―Bdzion no goṉ rëb me laa me ctixche yadoo, lozh ga tsoṉaque ngbidz gzaalo me stiba; per led miechdraa nzaaw.