MATEO 23:34 - Zapotec Mixtepec: Diidz ne rdeed guielmban

³⁴ ’Grë zha ne cxeḻ naa, zig nac zha ne guiadteed xtidz naa, zha ne nacnie Espíritu Sant, zha ne ygaa guieḻbiini yquiaa zho miṉe gnabey Espíritu Sant zho, ib tedsod sacsi to zho. No zho gutgazh to, no zho yquiaa to lo cruz, no zho lëëque leṉ xyadoo to gdeed yag to zho, ib gaṉdzede to zho, stib guiedz, stib guiedz tso to ctsidiḻ to zho.

MATEO 23:34 Referans Kwoze

MATEO 13:52

Dzigo rëbchaa me: ―Tib zha ne rieṉle zha nac grë ley ne psaṉ Moisés, ni squi guieṉ zho zha nac zhiwseed Dios miṉe ziaḻnie naa niina, masaque nac zho zig tib zha gol ne quianie chop lo ncuaaṉ non lidz zho, quianie zho grë miṉ gol-le ni quianiequegaa zho miṉ cub.

COLOSENSES 1:28

Gacxe waa, zaatne ziotaa no, Jesús nac meṉ ne rzeet no lo miech, ni megaa rneedz guieḻbiini lo no rseed no zho, rso no diidz lo zho; zeeṉa gac zho tib miech ndzinli, zigne no gac zha ne ngab lo me.

HECHOS 13:1

Lo grë zha ne rliladz Jesús Antioquí, nzian zha ne noteed Xtiidz Dios, nzian zha ne rseed miech Xtiidz Dios no lo zho. Lad grë zha co no Bernabé, no ti mgui lë Simón ne rnee zho “Meṉ Yaas”, no ti meṉ Ciren lë Lus, gaque no Saul, ni ti meṉ lë Manaén, bets pchoob Herod.

MATEO 10:23

Guiedz ne no to, zeeṉe laa miech csilo yquiaanaḻ to, goḻriee ga, goḻtsie stib guiedz. Gneli naa lo to gaṉle, niicle stib guiedz stib guiedz tsie to, gardaque lozh tsieted to grë guiedz ne ndxie Israel zeeṉe gaḻ dze ne laa Mgui ne pxeeḻ Dios guiaad stib.

APOCALIPSIS 11:10

dipse lo guidzliu, masaque tib guieḻbleydoo ne bio miech gza dze co, goṉ zho laa grop zha co gut, sac nroob beṉneed zho miech. Lo guieḻbley co, haxta bioxco miech pe ncuaaṉe bgadlsa zho lo samiech zho.

HEBREOS 11:37

no zho bdeedquie miech zho haxta gut zho, no zho bgaa bloosierr miech zho, no zho bgaa gut zho lo spad. Nogaa zho mbanse rac, pquianguzhooṉ zho lo miech, nëzrii nëzrec zie zho, mbanse rac zho guieṉd pe gow zho, guieṉd xab zho, tib lëse guid mëcwxiil, tib lëse guid chiv nrieḻ zho.

1 CORINTIOS 3:10

Pa lotaa wen Dios, sac bzooblo me naa naa psilo yu co, ni blu me lo naa zhapaa none tsaaw. Nli naa bgaa blee xcimienta, per niina zhaale zha ne nosoquiaw. Tib tib zha ne nosoquia yu co, none guieṉ zho zaacse gzhixcuaa zhow, tsienaḻ zho zigne nacse xcimienta ga,

1 CORINTIOS 2:6

Parga nli no zaatne rnee no grë diidz nroob, diidz ndzielguic, per laa miṉ co rnee no lo grë zha ne rieṉraa zha nac Xtiidz Dios, ni nacdgaaw zigne nac grë xtiidz ndzielguic grëraa miech, grë diidz ne rleynie grë zha rnabey ne no lo guidzliu rii; sac zigtaa zhaw, zigtagaa zhiwseed zhow, ncuaaṉe tibrded naca.

HECHOS 15:32

Blozhse ga, psilo Judas grop Silas pseed zho grë miech co Xtiidz Dios, zeeṉa dib zdooraa zho gnalo zho Dios; sac bdeed me guieḻbiini lo Judas grop Silas rteed zho xtiidz me lo miech.

HECHOS 14:19

Leṉ dze co, blalaa zha Israel ne ziaad nëz Antioquí ni nëz Icon bdziṉ Listr ga. Psilo zho bloo zho diidz lo grë miech co gocntseeb zho lo Pabl; güey grë miech co bdeedquie zho Pabl. Masaque bzhaac zho gutle Pabl, bdobniu zho me güeyroṉ zho me tiblad ro guiedz.

HECHOS 12:2

Bnabey me bgaa Jacob bets Juan, beet zho Jacob lo spad.

HECHOS 11:27

Leṉ iz co blalaa zha ne noteed xtiidz Dios no Jerusalén. Dzigo briee zho ga güey zho Antioquí.

HECHOS 5:40

Grëse zha wxtis co bzoobdiag zho xtiidz Gamaliel, bieṉ zho ne scataa nonguieḻ gaca. Dzigo biire bredz zho grë zha poxtl co, bdiṉ zho zho, ni biire pso zho diidz lo zho gbiiredraa zho cseed zho miech zhiwseed Jesús. Blozhse ga, dzigo laa zho psilaa zho.

HECHOS 1:8

Sinque to, zeeṉe laa Espíritu Sant gneedz guieḻbiini lo to, hor co laa to ygaa poder ne rap me, laa to csilo gnee lo grë zha Jerusalén cho nac naa; tsie to dib xtan zha Judé, dib xtan zha Samar, ni lo grëragaa miech, tsienee tow.

JUAN 20:21

Blozh ga, në me lo no: ―¡Laa naa rnedz tib guieḻbley zdoo to, zeeṉa peet tsienied guic to! Zigne pxeeḻ Pxoz naa naa biaḻ naa, scagaa niina laa naa rxeḻ to.

JUAN 16:2

Sac goṉ zuṉcxooṉ zho to, zbee zho to yadoo; ni zdziṉ dze haxta zut zho to, sac masaque sac zho lëë miṉe racladz Dios ga noyuṉ zho.

LUCAS 24:47

Rneew, Jerusalén nu, nu csilo gacnaṉ miech ible none csaan zho xquieḻntseeb zho, gnalo zho naa, parne guṉ Dios zho perdon.

1 TESALONICENSES 2:16

rtsidiḻ zho pe nacne nonee no lo grë zhazit zha laa zho lo doḻ. Loxaque quiayuṉctalraa zho xtoḻ zho, per, ¡probsaxe zho, sac guieḻnëdox ne ziaadyob cxeeḻ Dios ygaa zho!

MATEO 23:31

¡Lëëque to goṉ nobeero ga, zha nactaa lo dii ntseeb ne ziaad to!