MATEO 22:21 - Zapotec Mixtepec: Diidz ne rdeed guielmban

²¹ Pquiab zho rëb zho: ―Lëë rey i, lëë lë me i quia lo qui. Dzigo rëb me lo zho: ―Miṉe rieguiaḻ sca ycaa rey, goḻdeeda lo rey; scaquegaa miṉe rieguiaḻ ycaa Dios, lo Dios goḻdeeda.

MATEO 22:21 Referans Kwoze

ROMANOS 13:7

Goḻguieṉ sca, dimi ne no gdeed to lo zho, goḻdeeda; miṉe rnabey zho to guṉ to, goḻguṉa. Goḻleynie zho, quitniede to zho, goḻguieṉ zha non nac zho.

HECHOS 4:19

Pquiab Pedr grop Juan, rëb zho: ―Zha dieṉ rzac to, ¿pe nonguieḻa ga laa ne dziuuṉ no miṉe rnabey Dios, leḻ miṉe rnee to i dziuuṉ no?

MATEO 22:37

Pquiab me rëb me lo zho: ―Lëë miṉe mazdraa non nu znu rnee: “Dib zdoo luu, dib xalm luu, dib guieḻbiini ne no guic luu, bleynie Dios, meṉ nroob ne rnabey luu.” Lëëw nac miṉe mazdraa non, ni lëëw glopaa raquiet lo grëse ley.

LUCAS 23:2

Ga psilo zho nzian grë ncuaaṉe rquiaqui zho me, rëb zho: ―Laa no bnaaz meṉ rii goṉ ziaadnie no me lo luu, sac bgaa me noquiil me meṉladz no gacntseeb zho. Rnee me lo zho nonguieḻda gdeed zho dimi ne razh lo zhirey ne, meṉ ne zob Roma; haxta rnee me mele nac rey ne guṉbey zho, sac Dios pxeeḻ me ziaad me.

HECHOS 5:29

Dzigo pquiab Pedr rëb Pedr: ―Rdzion no miṉe rnabey samiech no, per glo none dziuuṉ no miṉe rnabey Dios no.

MATEO 4:10

Horco pquiab me rëb me lo ma: ―¡Biche lo naa nu meṉdox! Znu goṉ zhobnee lo Xtiidz Dios: “Diosse nac meṉ ne rnabey, mese none guṉnon luu, lo me rieguiaḻ yquiitsgzhib luu; ni miṉe rnabey me miṉ co none guṉ luu.”

MATEO 22:20

Blozh ga, rëbchaa me lo zho: ―¿Cho nu, cho lë nu quia lo pes rii?

MARCOS 12:17

Dzigo rëb me lo zho: ―Miṉe nonguieḻ ycaa rey, goḻdeeda lo rey; scaquegaa miṉe nonguieḻ ycaa Dios, lo Dios goḻdeeda. Zeeṉe goṉ zho sca ptsire me lo xtiidz zho, rdzieldraa zho zha guṉ zho.

LUCAS 20:25

Dzigo rëb me lo zho: ―Miṉe rieguiaḻ sca ycaa rey Roma, goḻdeeda lo rey Roma; scaquegaa miṉe rieguiaḻ ycaa Dios, lo Dios goḻdeeda.