MATEO 21:16 - Zapotec Mixtepec: Diidz ne rdeed guielmban

¹⁶ rëb zho lo me: ―¿Pe ib rond luu gaṉle pe nonee grë mëëdlas qui? Pquiab me rëb me: ―Ron naaw. ¿To waa, pe raṉde to gaṉle zha zhobnee lo Xtiidz Dios, zaatne raquiet miṉe noyac nu? Led rneew lëë: Haxta grë mëëdlas ne bii radz, ye win rley win rooḻnie win me.

MATEO 21:16 Referans Kwoze

MATEO 11:25

Dzigo bzodiidznie Jesús Dios, rëb me: ―Dios luu ne nac luu Pxoz naa, luu rnabey gbaa luu rnabey guidzliu, rnedz naa xquizh lo luu sac grë miṉe noyuṉ luu nu niina bdeete luu diidz niacnaṉ grë zha raca, sinque laaw blu luu lo grë zha ne nac zig grë mëëdlas.

MATEO 19:4

Pquiab me rëb me: ―¿Mod raṉde to zha zhobnee lo Xtiidz Dios? Lo co zhobnee gaṉle zeeṉe psaṉ me miech, tib nëz zho psaṉ me, tib mgui ni tib wnaa.

MATEO 12:3

Pquiabchaa me rëb me lo zho: ―¿Pe gard glab to zaatne ziaad gaṉle zha beeṉ rey David, tib dze zeeṉe pcaabedz me grë me zha ne ziegza me, ni zienied zho pe gow zho?

MARCOS 2:25

Dzigo pquiab Jesús, rëb me: ―¿Pe gard glab to zaatne ziaad gaṉle zha beeṉ rey David tib dze zeeṉe pcaabedz me grë me zha ne ziegza me, ni zienied zho pe gow zho?

MATEO 22:31

Stiba, ib nli zrieeban meṉgut. Mod raṉde to zha zhobnee zaatne raquiet zeeṉe rëb Dios:

MARCOS 13:17

¡Prob grë meṉ wnaa ne lëëtaque leṉ dze co zoney xpëëd, meṉ ne quianiegaa mëdyeeṉ ne bii radz!

LUCAS 21:23

¡Prob grë meṉ wnaa ne lëëtse leṉ dze co zoney xpëëd, meṉ ne quianiegaa mëëd ne bii radz! ¡Mbandox ted miech, guieḻnëdox ne csiaab Dios gaṉ zho guiedz rii!