MATEO 20:23 - Zapotec Mixtepec: Diidz ne rdeed guielmban

²³ Rëbchaa me lo zho: ―Nli nenda zaṉ to grë guieḻnë ne gaṉ naa, ni zdedgaa to miṉe teed naa; per ne gnedz naa diidz sob to cue naa nëz derech, nëz revésgaa, led naad raguiaḻ miṉ co; sac laa lugar co biaaṉle par zha ne tsieguiaḻa, ni Pxoz naa meṉ ne zob gbaa meṉ cose naṉ dieṉ chow.

MATEO 20:23 Referans Kwoze

APOCALIPSIS 1:9

Naa nac bets to Juan, tibaque nac ne niina grë ne, sac ye naa no xnëz Jesús; ye naa nodeed grë guieḻnë ne noded to. Zigne rneedz me paciens lo to lëb to lo grëtaa guieḻnë ne no gaṉ to, scaque racnieṉ me naa; ni ye naa gdziṉ lo me, zaatne no gdziṉ to. Sodiidz naa lo to gaṉle zha bzhaac naa. Lëëtaaque no naa lo guidzliu win ne lë Patmos, ga ngoguiu zho naa loxaque ne noseed naa miech Xtiidz Dios, miṉe biaadlu Jesús zeeṉe biaad me lo guidzliu.

HECHOS 12:2

Bnabey me bgaa Jacob bets Juan, beet zho Jacob lo spad.

MARCOS 10:40

per ne gnedz naa diidz sob to cue naa nëz derech o nëz revésgaa, led naad raguiaḻ miṉ co; laa lugar co biaaṉle par zha ne nole diidz ygaaw.

MATEO 25:34

’Lozhse ga, naa ne nac naa meṉ ne rnabey, hor co laa naa cuedz zha ne no xnëz naa, guiep naa lo zho: “Goḻtë grëse to, to ne nac to zha ne nziuu lo Pxoz naa. Goḻted zeeṉa ycaania to zaatne cuëz to, ible par to bzaa mew desde zeeṉe bzaa me guidzliu.

1 CORINTIOS 2:9

Zigne zhobneeque lo Xtiidz Dios, zaatne rnee: Ncuaaṉe wlaltaa gard guieṉ miech, nac grë miṉe quianiele Dios gdeed me lo grë zha ne nlipaa gbig lo me gleynie zho me. Ncuaaṉe choot gard gaṉa, ncuaaṉe choot gard gona.

ROMANOS 8:17

Nana ne laa ne nacle xpëëd Dios, scagaa dzigo ye ne ible zgaa ne grëtaa ncuaaṉe bdeed me lo Jesús. Nli zgaa ne lo grë guieḻndzon ne no Jesús ga, per scagaa none dziaṉ ne grë guieḻnë niina ne laa ne ngab lo me.

HEBREOS 11:16

Tibaque laa guic zho güeynie ne ib zdziṉ zho zaatne gacpaa ladz zho gbaa; gacxe waa, rtoladzd Dios ne nac me Dios ne rliladz zho, laa me bzhixcuaale guiedz ne gac ladz zho ga.

COLOSENSES 1:24

Grë guieḻnë ne noyaṉ naa porne rleynie naa to, rley naa noyaṉ naaw. Laa Jesús goṉle grë guieḻnë co zeeṉe psilaa me grë zha ne ngab lo me niina, laa niina ye naa noyaṉ spalala, loxaque ne noseed naa zho Xtiidz Ndzon me, ne nac zho zig xcuerp me.

MATEO 13:11

Pquiab me rëb me: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa grëraa miech ne gard gbig lo me, grieelod guieṉ zhow.

MATEO 20:24

Grëraa xpëëdscuel me, zeeṉe bin zho pe nac miṉe rnab Jacob grop Juan, blëë zho lo zho.