MATEO 19:4 - Zapotec Mixtepec: Diidz ne rdeed guielmban

⁴ Pquiab me rëb me: ―¿Mod raṉde to zha zhobnee lo Xtiidz Dios? Lo co zhobnee gaṉle zeeṉe psaṉ me miech, tib nëz zho psaṉ me, tib mgui ni tib wnaa.

MATEO 19:4 Referans Kwoze

LUCAS 10:26

Pquiab Jesús rëb me: ―¿Zha dieṉ zhobnee lo ley? ¿Pe rnabeya?

MATEO 22:31

Stiba, ib nli zrieeban meṉgut. Mod raṉde to zha zhobnee zaatne raquiet zeeṉe rëb Dios:

MATEO 12:3

Pquiabchaa me rëb me lo zho: ―¿Pe gard glab to zaatne ziaad gaṉle zha beeṉ rey David, tib dze zeeṉe pcaabedz me grë me zha ne ziegza me, ni zienied zho pe gow zho?

MARCOS 12:26

Stiba, ible nli zrieeban meṉgut. ¿Pe gard gaṉle glab to lo guits ne pquiaa Moisés, zaatne ziaad zeeṉe bin Moisés tsi Dios tib lo yag zarz nguia ne noyazbel? Rëb Dios lo Moisés: “Naa nac Dios ne rliladz Abraham, naa nac Dios ne rliladz Isaac, naa nac Dios ne rliladz Jacob.”

MARCOS 12:10

’Goḻsoladz gaṉle znu rnee lo Xtiidz Dios: Quie ne psëëb zha ne nozaa yu, ni naṉd zho lëëpaa quie co nac miṉe rnazdziits yu.

MARCOS 2:25

Dzigo pquiab Jesús, rëb me: ―¿Pe gard glab to zaatne ziaad gaṉle zha beeṉ rey David tib dze zeeṉe pcaabedz me grë me zha ne ziegza me, ni zienied zho pe gow zho?

MATEO 21:42

Dzigo rëbchaa me lo zho: ―Haxta lo Xtiidz Dios no tib zaatne znu rnee, ¿pe gard gaṉle glab tow? Rneew: Quie ne psëëb zha ne nozaa yu, ni naṉd zho lëëpaa quie co nac miṉe rnazdziits yu. ¡Ncuaaṉe gzee zdoo new! Sac Dios bnabey sca goca.

LUCAS 6:3

Pquiab Jesús rëb me lo zho: ―¿Pe gard glab to zaatne ziaad gaṉle zha beeṉ rey David, tib dze zeeṉe pcaabedz me grë me zha ne ziegza me, ni zienied zho pe gow zho?

MATEO 21:6

Laa zho zie, zigne bnabeyse me zho ga, scase beeṉ zho.