MATEO 15:33 - Zapotec Mixtepec: Diidz ne rdeed guielmban

³³ Pquiab zho rëb zho: ―¿Per pe yguiaaṉ ne zho? ¿Pa guioxi ne guieḻwagw ne yquiin grëtaa miech qui dan rii, naca zaatne guieṉd miech?

MATEO 15:33 Referans Kwoze

LUCAS 9:13

Dzigo rëbchaa me lo zho: ―To goḻdeed ncuaaṉe gow zho. Pquiab zho rëb zho: ―Gaayaque guietxtil ni chop meḻ ziaadnie no nu, ¡pe rnase ncuaaṉ co lo grëtaa miech qui! Niicle niaca miṉe gziuu ncuaaṉe gow zho, pe zhidaa dimi yquiin, ¿pa guioxi now?

MARCOS 6:37

Pquiab me rëb me lo zho: ―To goḻdeed ncuaaṉe gow zho. Rëbchaa zho lo me: ―¿Pe zhizhe dimi ne yquiin gziuu guietxtil ne gow grëtaa miech qui?

MATEO 14:15

Laa dze ziedzelew, wbig xpëëdscuel me rëb zho lo me: ―Mazd gudz lo grë miech qui guey zho na, zeeṉa guiob tsie zho grë guiedz win ne ndxie gax i tsiesi zho ncuaaṉe gow zho; sac goṉ laa dze bdzele.

MATEO 15:32

Dzigo bredz me xpëëdscuel me rëb me lo zho: ―Rquia zdoo naa grë miech rii. Nadzele rac tsoṉ ngbidz blanso zho lo ne nu, ni na quianiedraa zho pe gow zho. Teḻne squise gzonëz naa zho, nend pa lo zie zho nëz ycow zho.

MATEO 15:34

Dzigo bnabdiidz me lo zho, rëb me: ―¿Bla guietxtil ziaadnie to i? ―Gadzaquew no ―rëb zho―, ni chop tsoṉ meḻ win.