MATEO 13:39 - Zapotec Mixtepec: Diidz ne rdeed guielmban

³⁹ Zha ne güeygan guizh ncuaan co, lëë meṉdox ga. Dze lo wlaap co, gac dze ne guṉ Dios xquieḻwxtis me, zha ne tsie wlaap ga, lëë anjl ga.

MATEO 13:39 Referans Kwoze

MATEO 13:49

Scapaa nagoṉ gac miech gaḻ dze ne guṉ Dios xquieḻwxtis me, ziaad grë xanjl me cuee zho grë zha ntseeb lo zha ne no xnëz me,

MATEO 25:31

Blozhse bzodiidz Jesús cuent co lo zho, rëbchaa me: ―Naa ne nac naa Mgui ne pxeeḻ Dios, zeeṉ gaḻ dze ne laa naa guiaḻ stib, ziaḻnie naa grë xanjl naa, zlu grëtaa guieḻndzon ne rap naa, laa naa sob lo xcan ne raguiaḻ naa soob naa.

APOCALIPSIS 19:20

Lo diḻ co, ga bgaa ma nroob co, ni bgaa zha ne pteed xtiidz ma lo miech; zha ne scataa squi zo ma beeṉ zho grë milagr co pquidie zho miech, bio guic zho bio zho xbey ma, ni beeṉnon zho mdio ne rlu zig rlu ma ga. Zigtaa maw, zigtaa zha ne pteed xtiidz ma ga, nguia mban zho laa zho biab tib lo guidox zaatne noyec zufr.

APOCALIPSIS 13:14

Ne scataa grë ncuaaṉ ro ne rrieelo ma ruṉ ma, pquidie ma miech, bnabey ma zho bzaa zho tib mdio zig niaada ma ne bdedlaa lo guieḻgut ga, ma ne scataa nat guic ga bga.

APOCALIPSIS 12:9

Lëë ma ngol co ga nac meeḻ dox ne notaque padzeela, lëë meṉdox ga, lëë Satanás ga, ma ne scataa tibaque noquidie miech; hor co laa zho bzonëz ma nëz lo guidzliu, grë xanjl dox ma.

MATEO 24:3

Briee me leṉ yadoo ga grë me zho, laa zho zie nëz Gui Oliv. Bdziṉ zho cho gui co, ga bzob me grë me zho. Dzigo wbig gax bla zho lo me, bnabdiidz zho rëb zho: ―Bzhiguieḻ bnë lo no dieṉ, ¿pa hor dzigo gac miṉe bzeet luu ga? ¿Zha glu zeeṉe laa luu ziaadyoble guiaad? Zeeṉe nitlogaa guidzliu, ¿zha gacndioṉ no laa dze co ziaadyoble?

MATEO 13:25

per no tib zha ne rlëë lo me, goḻ tib pcow liu, horne grëse miech nixguies, güey zho güeylaaḻ zho xmidz guizh ncuaan zaatne gon me.

JUDAS 1:14

Lëële zha qui ga bzeet Enoc (meṉ ne brieequia lo dii ne rac xoop xtii Adán), zeeṉe psiaab Dios guic me, rëb me: “Goḻwi gaṉle laa Dios ziaad, pe zhidaa grë anjl ne ziaadnie me,

1 PEDRO 5:8

¡Nsin goḻso lo meṉdox, sac goṉ tibaque quianaḻ ma gnitlo ma ne! Masaque rac ma zig rac grë meedz ne rgobeedz quiaguib ma ne gow.

HEBREOS 9:26

Teḻne ye me niuṉ zig ruṉ grëraa pxoz co, pe zhistaale vuelt na ziyet me wlal ne bre guidzliu, ¡per na, led yed me! Zeeṉe laa dze bdziṉ, laa me biaad, xchenpaa me bzhiee, ni tibaque vuelt bzhieew psaṉmbew ne lo doḻ grëse ne ne nac ne miech.

EFESIOS 2:2

laa to güeynaḻ niapse grë ncuaaṉe ndzinlid ne rac lo guidzliu rii, beeṉ to grë miṉe rnabey ma ne rnabey lo meṉdox, ma ne rcheep grë zha ne ib nëd gon xtiidz Dios.

2 CORINTIOS 11:3

Sca none grieequia to lo me; per rdzieeb naa goṉ nend zha yguib meṉdox yquiil ma to, gondraa to miṉe rnabey Dios, dzigo laa to gac zig rac grëraa miech ndzinlid. Sac goṉ teḻ Ev, sca pquiil ma Ev.

2 CORINTIOS 2:17

Nu rquiin zha ne dib zdoo rquiabladz guṉ dziin lo Dios, glu zho ne nli Dios pxeeḻ zho, ne nli Jesús nacnie zho. Sac no zha ne, loxaque rquiaalo zho ye zho rseed miech Xtiidz Dios, per laa zho ruṉa par cuee zho dimi.

MATEO 28:20

Goḻseed zho gban zho, grëse miṉe bnabey naa to guṉ to. Miṉ co rsaṉ naa diidz lo to guṉ to; ni gacnaṉ to gaṉle, ib csaand naa to, gzataa dzew niicle haxta dze ne nitlo guidzliuw, naa gacnie to.

MATEO 13:28

Dzigo rëb me: “Rieṉ naa no cho tib zha ne rlëë lo naa, zha co beeṉ dziin co.” ’Gocladz zho, hor cogazh nielaadz zhow per bzhiguieḻd me,

MATEO 13:22

Nogaa zho nac zig nac leṉ yag guiets co. Rquiaadiag zho Xtiidz Dios, per rsilo zho leḻ grë ncuaaṉe no lo guidzliu rii mazdraa rionie guic zho, rquidie grë dimi zho. Grë ncuaaṉ co rioxcoraa zho, laa ne tsonie Xtiidz Dios guic zho, miṉ co rquiaqui ib ruṉd zho miṉe rnabey me.

MATEO 13:40

Ni zigne sca cuee zho guizh ncuaan co lad zhobxtil, gzëëg zhow, scapaa nagoṉ gaḻ dze ne gac xquieḻwxtis Dios,

1 CORINTIOS 10:11

Sca nagoṉ bzhaac grë pxoz gol ne ga, gotsaa guieṉ ne sca dziuuṉd ne miṉe beeṉ zho, miṉe beeṉ zho ga laaw zhobnee lo Xtiidz Dios parne gacndioṉ new, guieṉ ne zaacse gban ne, ne nac ne miech ne mban leṉ dze rii ne znu ziaadyoble nitlo guidzliu.

HEBREOS 1:2

Saṉgue niina, Xpëëdpaa me Jesús pxeeḻ me biadnee xtiidz me lo ne. Jesús meṉ ne bzaagrop me grëtaa ncuaaṉe no, ni meṉ ne bzo me gnabeya grësew.