MATEO 13:24 - Zapotec Mixtepec: Diidz ne rdeed guielmban

²⁴ Biire pcaalsa miech lo me stib, dzigo psiloque me pseed me zho con stib cuent, rëb me: ―Ziaad gac xquieḻrnabey Dios lo guidzliu rii zig bzhaac tib meṉ ne gon zhobxtil. Niapse zhob wen, zhob nal gon me,

MATEO 13:24 Referans Kwoze

MATEO 25:1

Blozh ga rëbchaa Jesús lo zho: ―Par sëëb miech zaatne rnabey Dios, masaque naca zig rzëëb miech tib lo lni zaatne noyac tib guieḻtsieel. ’Tsii wnaa nguieg name, briee zho ziexinëz zho mgui ne ctsieelnia, tib tib zho bise zho psin win ne rec nceit ne rziini.

MATEO 20:1

’Grë zha ne no xnëz Dios, zac zho lo me zig bzhaac grë zha ne güey xtsiiṉ tib meṉ co. ’Tib meṉ co name nroob dziin quianie me, tib dzew zigne biini liu briee me güeyguib me zha ne tsielaap xuv me.

MATEO 13:47

’Nacaque xquieḻrnabey Dios, zig tib guiex nroob ne rgaa meḻ niina, zeeṉe rsëëb ngooz meḻa lo nis grë lose meḻ rtopa.

MATEO 22:2

―Grë zha ne rbedz Dios ygab zho xnëz me, none tsoxco zho gon zho miṉe rnee me; sac nenda gdzieelo zho zig bdzieelo zha ne bredz tib rey co nie zho lo zhilni xpëëd me.

MATEO 13:37

Dzigo rëbchaa me lo zho: ―Goḻgona sca, znu goṉ nac cuent co. Rrieequia goṉ naa ga nac meṉ ne gon zhob co.

LUCAS 13:20

’Ziaadaque goṉ gaca, zig ncobi.

LUCAS 13:18

Blozh ga, bnee me rëb me: ―¿Zha gaṉle racnroob lo xtsiiṉ Dios lo guidzliu rii?

MATEO 13:33

Rëbaque me: ―Nac xquieḻrnabey Dios zig nac ncobi ne rquiaa meṉ wnaa lad ncob ne riaa guietxtil. Niipaque ncobi riots tsoṉ lmud rin, ni dib nacse ncob co rzibe.

1 PEDRO 1:23

goḻguieṉ gaṉle, tib guieḻmban cuble rap to niina, rrieequia gol to stib; per nacdraaw zigne gol to glo, sinque lëë guieḻmban qui bgaa to zeeṉe bliladz to Xtiidz Dios, diidz ne rneedz guieḻmban, diidz ne gdziṉd dze nitlo.

MATEO 13:31

Blozh ga bzeet me midz moxtaz, rëb me: ―Nac xquieḻrnabey Dios zig nac tib midz moxtaz ne ran miech dan rii. Naṉ to gaṉle midz moxtaz nac midz ne mazdraa win,

MATEO 18:23

’Grë zha ne no xnëz Dios, ib none guṉ zho perdon samiech zho. ’Tib rey name, tib dzew bredz me grë zha ne rquia dziin lo me, par dieṉ zha quiayuṉ zho dziin.

MATEO 13:19

Ro nëz ne sca bliaaḻ zhob co, sca nac palal miech ne riepaa zha ne rienee Xtiidz Dios lo zho, per rioguicd zhow, rlozh ga rdziṉaque meṉdox, rietiche ma teḻ palalse miṉe rieṉ zho.

MATEO 3:2

rnee me lo zho: ―¡Goḻsaan xquieḻntseeb to, goḻnab lo Dios guṉ me to perdon grëtaa doḻ ne ziyuṉ to; sac goṉ laa dze bdziṉle laa me csilo gnabey!

MATEO 21:33

Dzigo bzodiidz me stib cuent lo zho rëb me: ―Tib meṉ name, nroob lbë uv beeṉbni me lo liuṉ me. Psilo me ptse me igose liu co, bzaa me zaatne gzhii grë uv co, ni bzaa me tib yu glaa zaatne sob zha ne yquiaanapa. Blozh ga, blediiṉ me liu co lo bla zha ne ran liu, dzigo laa me briee, laa me zey zit.

MATEO 4:23

Dipse xtan zha Galilé, guiedz ne rdziṉtaa Jesús rie me grë yadoo ne zob lad guiedz co rseed me miech Xtiidz Dios, rnee me lo zho zha racladz Dios gban zho, ni ruṉguiac me grë meṉ rzacnë, teḻ pe guieḻguiidztaa rzac zho.

COLOSENSES 1:5

Miṉ co nonie guic to, sac desde dze ne psilo pquiaadiag to Xtiidz Ndzon Jesús miṉe nac diidzli, laa to gocnaṉ gaṉle no tib guieḻnzaac nroob ne ygaa to gbaa.

MATEO 13:25

per no tib zha ne rlëë lo me, goḻ tib pcow liu, horne grëse miech nixguies, güey zho güeylaaḻ zho xmidz guizh ncuaan zaatne gon me.