MATEO 13:11 - Zapotec Mixtepec: Diidz ne rdeed guielmban

¹¹ Pquiab me rëb me: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa grëraa miech ne gard gbig lo me, grieelod guieṉ zhow.

MATEO 13:11 Referans Kwoze

1 CORINTIOS 2:14

Grë zha ne nacnied zhiEspíritu Dios, choḻze miech nac zho, grieelod tsoguic zho zha nac grë miṉe rlu Espíritu co lo no. Rzac zho ncuaaṉe paat rquiind naca, sac grieelod guieṉ zhow ne zhase.

MATEO 19:11

Pquiab me rëb me: ―Nligaa no mgui ne rtsieelniad, per zhis zho, ni no pe nacne sca riaaṉ zho.

SANTIAGO 1:5

Zha ne racladz ygaa guieḻbiini co, zac gnab zhow lo Dios, ni mesi goṉ zdeed mew; sac guieḻbiini ne gnabtaa ne lo me zneedz mew. Led yed me yca, led yed me glisqui pe nacne pe gnab ne lo me.

1 JUAN 2:27

Saṉgue to laa Jesús pxeeḻle Espíritu Sant nacnie to, rquiind ne gooṉ choraa cseed to; sac Espíritu Santzhal rneedz guieḻbiini lo to rieṉ to zha nac grëraa ncuaaṉe no gacnaṉ to, ni mesi goṉ miṉe nac diidzli miṉ co rseed me to, led yed me rquidie. Goḻguieṉ sca, Jesús goḻbannie, goḻbannie me zigne noseed Espíritu Sant to.

1 JUAN 2:20

Saṉgue to, nacde to zig nac grë zha co, sac nacnie Espíritu Sant to, bneedz me guieḻbiini lo to ruṉbey to miṉe nac diidzli.

MATEO 16:17

Dzigo rëbchaa me: ―Dichos luu Simón (xingan Jonás) briee diidz qui ro luu, sac goṉ Pxoz naa meṉ ne no gbaa, meṉ co bneedz guieḻbiini qui lo luu, nacda ncuaaṉe cho miech nëw lo luu.

EFESIOS 1:9

ni bneedz me diidz gocndioṉ ne pe nac miṉe no zdoo me, miṉe mese naṉ, miṉe nole me guṉ me.

EFESIOS 5:32

Rgobey naa ngaṉ tsoguic to zha nacne chop miech gac tibaque cuerp; per ga goṉ rlu ne niicle nzian ne per tibaque cuerp nac ne, ni lëë xcuerp Jesús ga.

ROMANOS 16:25

Laa naa rsaṉ to ladznia Dios, me gacnieṉ to lozh sodziits to lo Xtiidz me, miṉe none naa lo miech. Haxta zeeṉe gard tsaa guidzliu, znu no guic Dios csilaa me grë miech lo xtoḻ zho, per choot gocnaṉda, naraa laaw bzhoobneṉ.

LUCAS 8:10

Rëbchaa me lo zho: ―Teḻ to, Dioszhal rlu lo to gaṉle zha rnabey me, niicle ncuaaṉe mazdraa ngueetsa; saṉgue grëraa zha ne squi gard gbig lo me, niapse con cuent rzodiidz naaw lo zho, parne guieṉ zhow; per niicle scaw, ib rzoobdiagd zhow, ib rioguicd zho zha naca.

1 CORINTIOS 15:51

Wen wen goḻzoobdiag miṉe gne naa lo to nu gaṉle, wlaltaa choot gard gacnaṉa: Grëse ne ne nac ne zha ne rnalo Jesús, gaḻ dze co zigtaa zha ne mbana, zha ne gutlegaaw ible stsëë Dios xcuerp ne.

1 CORINTIOS 2:7

Grë diidz ne rnee no, ndzielguic naca, sac zhiwseed Diosa, lëë xquieḻrac me ga. Ndzielguica, sac ga rlu me zha no guic me csilaa me miech gdziṉ zho lo guieḻndzon ne no me; gocnaṉd miecha padzeela, per nolew zeeṉe bzaa me guidzliu.

JUAN 6:65

―Ruṉbey naa to ―rëb me―, gane ni naa lo to ni tib miech grieelod gbig lo naa sëëb zho xnëz naa, teḻne niaca miṉe cuedzd Pxoz naa zho.

1 CORINTIOS 13:2

Teḻ niaca miṉe rteed naa xtiidz Dios lo miech, rieṉ naa pe nac miṉe naraa cxobneṉ me, grëse wseed ne no rieṉ naa, ni rleynied naa samiech naa, ¡paat rquiinda! Teḻ dib zdoogaa naa rnalo naa Dios, haxta ncuaaṉe mazdraa ngaṉ rnab naa ruṉ mew, ni rleynied naa samiech naa, ¡peet nonda!

MARCOS 4:11

Dzigo rëbchaa me lo zho: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa lo grëraa miech ne gard gbig lo me niapse con cuent rzodiidz naaw lo zho parne guieṉ zhow.

COLOSENSES 2:2

Rnab naa lo Dios ib guiaaṉd zdoo to, tipse gac to iṉe gleynie to grë zha ne nacgrë to, lozhraa tsaa biini xquieḻrien to guieṉ to gaṉle zhapaa nac Jesús, sac goṉ naraa bdeed Dios diidz guṉbey miech me.

EFESIOS 6:19

goḻnab lo me gacnieṉ me naa, csiaab me guic naa pe nac miṉe gne naa, peet dzeb tsod lo naa gne naaw lo miech; zeeṉa gacnaṉ zho gaṉle, zha nac Diidz Ndzon ne rnee zha laa miech lo doḻ, miṉe choot gocnaṉd glo.

1 CORINTIOS 4:7

Stiba, ¿cho nadieṉ në lo to ne guṉnon to to? Grë ncuaaṉe rap to, grë ncuaaṉe rac to, ¿niacxe led Diosd bneedza lo to? Dios name bneedza lo to, ¿pe nac dzigo no to rlozhd gacniats to zig nac zeeṉe por xquieḻliger to bgaa tow?

1 CORINTIOS 4:1

Goḻguieṉ sca tib moz winse nac no lo Jesús, laa me bzoo no noseed no miech xtiidz me miṉe gocnaṉd miech padzeela.

JUAN 7:17

Teḻne yquiabladz to guṉ to miṉe rnabey me, ga guieṉ to dieṉ pe nli xtiidz Dios rseed naa miech, te miṉe riab guic naaw ye.

1 TIMOTEO 3:16

Ne nligaa nroobdoo nac wseed ne ziaad lo Xtiidz Dios, miṉe rliladz ne, ngaṉ guieṉ miech zha naca. Nu raquiet miṉe beeṉ me: Goc Jesús miech biaad me lo guidzliu, ni blu Espíritu Sant gaṉle ne nli Xpëëdpaa Dios nac me; ni goṉ grë anjl me. Brieets bliaaḻ Xtiidz me grë guiedz, ndaldoo miech ne bliladz gaṉle cho nac me, blozh ga biire zey me lo guieḻndzon ne no me gbaa.

EFESIOS 1:18

Rnab naa lo me quixbiini me guic to, guieṉ to gaṉle zha nactaa grë ncuaaṉe ygaa to ne laa me bredz to, guieṉ to gaṉle zha ndzontaa, zha nontaa ncuaaṉe gdeed me lo grëse miech ne ngab lo me,

HECHOS 16:14

Lad co no ti wnaa Tiatir lë Lidia, rto me grë lar nizhnie nlaan miṉe nac lar niazh; ye me dib zdoo me rliladz me Dios. Laa me noquiaadiag miṉe nonee Pabl ga, zeeṉe psiaab Dios guic me bliladz mew.

MATEO 13:10

Zeeṉe laa grë miech co zey, dzigo wbig xpëëdscuel me bnabdiidz zho lo me dieṉ pe nac ne sca niapse con cuent rseed me grë miech.

MATEO 20:23

Rëbchaa me lo zho: ―Nli nenda zaṉ to grë guieḻnë ne gaṉ naa, ni zdedgaa to miṉe teed naa; per ne gnedz naa diidz sob to cue naa nëz derech, nëz revésgaa, led naad raguiaḻ miṉ co; sac laa lugar co biaaṉle par zha ne tsieguiaḻa, ni Pxoz naa meṉ ne zob gbaa meṉ cose naṉ dieṉ chow.

MARCOS 10:40

per ne gnedz naa diidz sob to cue naa nëz derech o nëz revésgaa, led naad raguiaḻ miṉ co; laa lugar co biaaṉle par zha ne nole diidz ygaaw.

ROMANOS 11:25

Bets, bzian, laa naa gni lo to gaṉle zha nac miṉe no guic Dios guṉ me. Niicle ne rieṉd miecha niina, per racladz naa gacnaṉ tow, zeeṉa gacniatsde to ne squi bzooblo me to: Nli ndal zha Israel racndip zdoo zozit zho lo me niina, per zeeṉe laa grë miech stib guiedz blozh wbig lo me,