MATEO 12:25 - Zapotec Mixtepec: Diidz ne rdeed guielmban

²⁵ Bieṉ Jesús sca rza guic zho, dzigo rëbchaa me lo zho: ―¡Ncuaaṉe gacd goṉ rnee to! Teḻ tib wxtis nadieṉ lëëque zha ne nacnie zho csilo tiḻnie zho, ¿niacxe zac gnabey zho? Tib guiedza, teḻ lëëque zha guiedz co tiḻnie meṉladz zho, led znuse lozh guiedz co; tib diigaa miecha, teḻ lëëque zha tiḻnie meṉlidz zho, ¿niacxe nitlod dii co?

MATEO 12:25 Referans Kwoze

GALATAS 5:15

Per teḻ laa ne gleynie to zha ne nacgrë to, leḻ diḻ no to, zig ruṉ grë ma ne lëëque ma noquiaalaylsa, lëëque ma noyowlsa; dzigo lëëque to gnitlo to ga. ¡Guṉscade to!

1 CORINTIOS 2:11

Zig nacse tib miech, grieelod gacnaṉpaa ne dieṉ pe nac miṉe no guic zho, pe nacgaa miṉe rza zdoo zho, loxaque zhiespírituse zho naṉa; scaque Dios, loxaque zhiEspíritu me naṉ grëse miṉe no guic me guṉ me.

MATEO 9:4

Bieṉga Jesús sca rza zdoo zho, dzigo rëbchaa me: ―Lëda i goṉ squi rza zdoo to.

APOCALIPSIS 16:19

Grë guiedz ne ndxie lo guidzliu, per ni rludraa zha niaaw; zig nac guiedz nroob ne nac Babiloin ga, haxta tsoṉ lë goca. Horco beeṉquizh Dios zha Babiloin, grëtaa guieḻntseeb ne zëëb zho; psiaabzi me zho por grëtaa zhian ne pquiaa zho me.

HEBREOS 4:13

Tsod ncuaaṉe tsongueets lo me. Grëse ncuaaṉe rac, me raṉa; ni tib tib ne, lo me cueero ne grëse teḻ zha mban ne.

MARCOS 2:8

Bieṉga Jesús sca rza zdoo zho, dzigo rëbchaa me: ―¿Pe nacne rlëë to ron to miṉe rne naa?

APOCALIPSIS 2:23

Ni haxta zut naa zho, zeeṉa sca gaṉ grëse miech ne no xnëz naa gaṉle, naasi naṉ naa pe rza guic miech, pe rza zdoo zho; gacxe waa, teḻ pe ncuaaṉe ruṉ zho, zdedse naa miṉe rieguiaḻ zho tib tib zho.

JUAN 21:17

Wbiireque me stib rëb me lo Pedr: ―Simón (xingan Jonás), ¿pe nlipaa nquialadz luu naa? Zeeṉe bin Pedr sca rëb me, mban goc zdoo Pedr; sac gale rac tsoṉ vuelt zinabdiidz me lo Pedr, dzigo rëb Pedr: ―Luu nac meṉ ne rnabey, luu naṉa grësew, naṉ luu gaṉle nquialadz naa luu. Dzigo rëb me: ―Teḻne nli nquialadz luu naa, yquiaanap luu xpëcwxiil naa sca.