MATEO 12:2 - Zapotec Mixtepec: Diidz ne rdeed guielmban

² Goṉ bla zha farisew, dzigo rëb zho: ―¡Lëda i goṉ noyuṉ to, noguiits to ley i! Goḻguieṉ gaṉle dze nda nac dze rii.

MATEO 12:2 Referans Kwoze

MATEO 12:10

Lad grë miech ne ndxie leṉ yadoo co, no tib mgui ne mband tib nia; porque laa zha farisé bnabdiidzlaque lo me dieṉ pe nonguieḻa guṉguiac me miech dze ne rdziiladz zho lo dziin. Sca bnabdiidz zho, sac quiaguib zho dieṉ pe yquiaaqui zho me tsiezo zho me lo wxtis.

LUCAS 14:3

Dzigo rëbchaa Jesús lo zho, ni lo grë maistr ley ne ndxie ga: ―Goḻnë dieṉ, ¿pe nonguieḻa guṉguiac naa miech dze rii, te nonguieḻda ye?

LUCAS 23:56

Blozhse bgueets me, laa zho zey. Bdziṉ zho bzhixcuaa zho, tiblo zënex ne tsietëëb zho lad xcuerp me; dzigo laa zho bdziiladz zigne rnabey ley no guṉ zho.

MATEO 12:3

Pquiabchaa me rëb me lo zho: ―¿Pe gard glab to zaatne ziaad gaṉle zha beeṉ rey David, tib dze zeeṉe pcaabedz me grë me zha ne ziegza me, ni zienied zho pe gow zho?

MARCOS 2:24

Goṉ zha farisew, dzigo rëbchaa zho: ―¡Lëda i goṉ noyuṉ to! ¡Goḻguieṉ gaṉle dze nda nac dze rii!

LUCAS 6:2

Goṉ blalaa zha farisé sca no zho, dzigo rëbchaa zho: ―¡Lëda i goṉ noyuṉ to! Goḻguieṉ gaṉle dze nda nac dze rii.