LUCAS 6:14 - Zapotec Mixtepec: Diidz ne rdeed guielmban

^14-16 Znu lë gza tsiipchop zha co: Simón (zha ne bleelë me Pedr), Ndrés (bets Pedr), Juan, Jacob, Lip, Bartol, Matew, Mazh, Jacob (xingan Alfé), Simón (zha ne no lad grë zha ne racladz cuee wxtis Roma Israel), Judas (bets Jacob), ni Judas Iscariot (zha ne güeyto me).

LUCAS 6:14 Referans Kwoze

HECHOS 1:13

Bdziṉ zho zaatne rbëz zho, biep zho leṉ yu ne riaaṉ glaa; sac leṉ yu glaa co ga no zho. Ga rbëz Pedr, rbëz Ndrés, Jacob, Juan, Lip, Mazh, Bartol, Matew, ni Jacob ne nac xingan Alfé; Simón Zelot, ni Judas meṉlidz Jacob.

MATEO 4:21

Zhisaque bzë me ro nis co, goṉ me laa Jacob ni Juan (lëë grop xingan meṉ ne lë Zebedé ga) no tib leṉ barcw gza pxoz zho, noquiaabdie zho guiex ne rgaa meḻ; dzigo bredz me zho.

MATEO 4:18

Leṉ dze co, tib dze zieded Jesús gax ro Nisdoo Galilé goṉ me chop ngoozmeḻ, tib zho lë Simón Pedr, stib zho lë Ndrés; grop bets zho lëëtse laa zho noroṉ guiex ne rgaa meḻ lo nis.

2 PEDRO 1:1

Naa nac Simón Pedr, tib nguṉdziin win ne pxeeḻ Jesús nonee Xtiidz Ndzon me lo miech. Laa naa rquia guits rii rxeḻ naa lo to, ne nac to zha ne squitaa ndzonse dib zdoo rnalo meṉ nroob ne zob gbaa, zigne rnaloque no me. Xquizh Jesús meṉ ne rsilaa miech, meṉ ne nac Dios ne rliladz ne, sac goṉ me gocnieṉ to squi rnalo to me niina; sac mesi miṉe nonguieḻ gac, miṉ co ruṉ me.

HECHOS 12:2

Bnabey me bgaa Jacob bets Juan, beet zho Jacob lo spad.

JUAN 14:8

Dzigo rëbchaa Lip lo me: ―Bzhiguieḻ mazd blu Pxoz luu lo no. Totsaque dziaṉ no me, lëëlew ga dzigo.

JUAN 6:8

Dzigo pquiab Ndrés, bets Pedr, stib zha ne nacgza no; rëb Ndrés:

JUAN 6:5

zeeṉe bdzioṉ no miech guizhiu ne ziaadquia cho gui co, laa zho glansole lo no ga. Dzigo rëbchaa me lo Lip: ―Lip, ¿pa guioziu ne ncuaaṉe gow grëtaa miech qui?

JUAN 1:45

Dzigo güey Lip güeyguib Lip Natanael; rëb Lip lo Natanael: ―¡Laa no bdzioṉ Meṉ ne nacle diidz ga cxeeḻ Dios! Meṉ ne rzeet Moisés lo libr ley ne psaṉ me, meṉ ne scataa bzeet grë zha ne biadteed xtiidz Dios padzeela. ¡Laa no bdzioṉ me, tib meṉ Nazareta, lëë me ga nac Jesús, xingan José!

LUCAS 5:10

Scasaque rac Jacob ni Juan (xingan tib meṉ lë Zebedé), zha ne nacgza Simón. ―Gdzieebd luu ―rëb Jesús lo Simón―. Zigne squi goṉ rioxco luu riaad luu gooz meḻ niina, desde nadze laa luu tsoxco guṉ luu stib gooz; laa naa cxeḻ luu tsietop luu grë miech ne sëëb xnëz Dios.

LUCAS 5:8

Zeeṉe goṉ Simón scataa meḻ taf ne bgaa, pquiitsgzhib me lo Jesús, rëb me: ―Bzhiguieḻ mazd psaan naa, tib miech ngoopdoḻ nac naa, rdzieeld so luu lo naa nu.

MARCOS 14:33

Horco psilo mban rac zdoo me, riabguieḻnë me, dzigo bredz me Pedr, Jacob ni Juan, bzënie me zho palal

MARCOS 9:2

Goca xoop ngbidz, briee Jesús gza me Pedr, Jacob ni Juan, güey zho bzoquia zho tib guic gui glaa. Bdziṉ zho glaa guic gui co, tibaque zeeṉe goṉ zho laa me bdzëëlo.

MARCOS 5:37

Psaandraa me cho grë miech co nienaḻ zhits me, loxaque Pedr, Jacob ni Juan bets Jacob; zha cose zienie me.

MARCOS 1:29

Ga briee Jesús güey me lidz Simón grop Ndrés gza me Jacob ni Juan.

MARCOS 1:19

Zhisaque bzë Jesús ro nis co, goṉ me laa Jacob ni Juan no tib leṉ barcw noquiaabdie zho guiex ne rnaaz zho meḻ, lëë grop xingan Zebedé ga;

MATEO 10:2

Znu lë gza tsiipchop zha co: Simón (zha ne rneeque zho Pedr), Ndrés (bets Simón), Jacob ni Juan (zha co nac xingan Zebedé), Lip, Bartol, Mazh, Matew (zha ne ptop dimi ne razh lo zha Roma), Jacob (xingan Alfé), Lebeo (zha ne rneeque zho Tadé), Simón (zha ne no lo partid ne racladz griee zha Roma Israel), ni Judas Iscariot (zha ne güeyto Jesús).

MARCOS 3:16

Znu lë gza tsiipchop zha ne ble me ga: Simón (lëë Simón co bleelë me Pedr), Jacob ni Juan (xingan Zebedé, zha ne bleelë me “Zhin Nguzi” “Boanerj”). Ndrés, Lip, Bartol, Matew, Mazh, Jacob (xingan Alfé), Tadé, Simón (zha ne nacgrë zha ne racladz cuee zha Roma xtan zho) ni Judas Iscariot (zha ne güeyto me).

LUCAS 6:13

Biini liu co, bredz me grëse zha ne nac xpëëdscuel me, dzigo lad co ble me tsiipchop zho, zha ne tsiepaa tsienee xtiidz me lo miech.