JUAN 6:64 - Zapotec Mixtepec: Diidz ne rdeed guielmban

⁶⁴ sinque to, bii no zla to rliladzd cho nac naa. Sca rëb me sac desde psilo bzënie zho me, rieṉle me cho nac zha ne ib rliladzd me, ni cho nac zha ne tsieto me.

JUAN 6:64 Referans Kwoze

JUAN 10:26

Ib rliladzde tow, sacne led yede to ngab lo naa.

HEBREOS 4:13

Tsod ncuaaṉe tsongueets lo me. Grëse ncuaaṉe rac, me raṉa; ni tib tib ne, lo me cueero ne grëse teḻ zha mban ne.

2 TIMOTEO 2:19

Saṉgue zha ne nlipaa no xnëz Dios, tsod pe nacne griee zho xnëz me sac lole me ngab zho; zigne zhobneeque lo Xtiidz me zaatne rnee: “Ruṉbey Dios cho nac zha ne nlipaa no xnëz me”; ni rneequew: “Grë zha ne nlipaa ngab xnëz Jesús, none csaan zho grëse guieḻntseeb.”

ROMANOS 8:29

Ni ndioṉ ne gaṉle, zha ne naṉle me ygab xnëz me, desde mazd glow, pso me zho gac zho zig nac Xpëëd me Jesús. Lo grë zha ne nac xpëëd me, Jesús nac meṉ nroob.

JUAN 6:61

Bieṉ Jesús sca nonee zho, dzigo rëbchaa me lo zho: ―¿Pe rlëë guic to bin to miṉe rne naa ga?

JUAN 5:42

ruṉbey naa to, ni lalnu rleyniede to Dios.

HECHOS 15:18

Znu nac xtiidz Dios, ni padzeelale bzeet me ne laa me guṉ miṉ co.

JUAN 6:66

Nzian zha ne rzënie me, hor co laa zho bzozit lo me, bzëniedraa zho me.

JUAN 6:36

Laa to goṉ, zigne bnelegaa naa lo to ga, ¡niicle raṉ to naa, per rliladzde to cho nac naa!

JUAN 8:55

Teḻ naa ruṉbey naa me, ni ruṉ naa miṉe rnabey me; saṉgue to goṉ, nlid ruṉbey to me. Teḻ gni naa ruṉbeyd naa me, yele naa ga dzigo noquidie zigne rquidie to.

JUAN 8:23

―Teḻ to ―rëb me―, zha nëz lo guidzliu nac to; laa naa goṉ zha nëz gbaa nac naa. Meṉ guidzliu rii nac to, saṉgue naa nacd naa zha guidzliu rii.

JUAN 6:60

Nzian grë zha ne rzënie Jesús, zeeṉe bin zho grë miṉe bnee me ga, rneechaa zho: ―Zha ngaṉdoxtaa nac grë diidz ne rnee me i. ¡Cho gnë dieṉ pe bnee me!

JUAN 18:4

Loxaque blanso zho, laa Jesús brieequiale, rëb me lo zho: ―¿Cho rguib to? Sca rëb me sac rieṉle me pe nacne zie zho ga, naṉle me pe nac grëtaa ncuaaṉe ted me.