JUAN 6:24 - Zapotec Mixtepec: Diidz ne rdeed guielmban

²⁴ dzigo goṉse zho niicle me niicle no ne nac no xpëëdscuel me, choot guieṉd ga, nacne bzëëbaque zho leṉ barcw ne bdziṉ ga ziaad zho nëz Capernaum.

JUAN 6:24 Referans Kwoze

JUAN 6:17

Bdzioṉse no choot rlansod ni laa liu rcowraa, dzigo mazd laa no bziaab leṉ canó, laa no zio nëz Capernaum.

MARCOS 1:37

Zeeṉe bdziel me, rëbchaa zho lo me laa grë miech co quiaguible me.

JUAN 20:15

―¿Pe nacne roon luu? ―rëb Jesús―. ¿Cho rguib luu? Leḻ güeynie guic Marí rëb me bod meṉ ne rquianap gaw, dzigo rëbchaa me: ―Bzhiguieḻ, teḻne luu biadbee me nu, bnë dieṉ pa lo güeysaṉ luu me; zeeṉa ga naa gaxi naa me.

JUAN 7:11

Grë zha Israel ne rlëë lo me, quiaguib zho me lo lni co. ―¿Bay yo meṉ co? ―rnee zho―. ¿Pe nacne ib choot gard dziaṉ me?

JUAN 6:59

Lëë grë miṉ rii bnee Jesús zeeṉe pseed me miech leṉ yadoo win ne zob Capernaum.

JUAN 6:23

Gax zaatne bguiaaṉ me zho ga, ga bdziṉ bla barcw ne ziaad nëz Tiberias;

LUCAS 8:40

Zeeṉe laa Jesús biire bdziṉ stib nëz ro nis co, miech guizhiu ne quiambëz me ga, rley zho goṉ zho laa me bdziṉ.

MARCOS 6:53

Zeeṉe laa zho bdziṉ stib nëz ro nis co, zaatne nac xtan zha Genesaret, dzigo laa zho pxidoo xbarcw zho ro nis ga.

MATEO 14:34

Zeeṉe bdziṉ zho stib nëz ro nis co, zaatne rnee zho Genesaret, ga biet zho barcw.

JUAN 6:26

Dzigo rëbchaa me: ―¿Naa lëë ziaadguib to? Per ziaate to porne rieṉ to cho nac naa, sinque laa to ziaad porne goṉ to bnedz naa ncuaaṉe pquiin to.