JUAN 14:4 - Zapotec Mixtepec: Diidz ne rdeed guielmban

⁴ Laa to naṉle nasca pa lo ga naa, ni naṉlegaa to nëz ne.

JUAN 14:4 Referans Kwoze

JUAN 10:9

Saṉgue naa, laa naa nile lo to gaṉle: Naa nac zig ro Puert, zaatne rded mëcwxiil ga. Grëse zha ne gbig lo naa, zlaa zho, peet lo tsoxtseebdraa zho; pale grë mëcwxiil ne zozëëb zoriee ro lidz, ni rdziel ma guizh nguia, guizh ndzon row ma.

JUAN 16:28

Ni nligaa, lo me brie naa biaḻ naa lo guidzliu; ni niina ne laa naa gbi, loque me gdziiṉ naa.

JUAN 14:2

Goḻgona gaṉle: Zaatne nac lidz Pxoz naa, ndaldoo zaatne cuëz miech no ga, teḻ niaca miṉe guieṉd zaatne cuëz to, nile naaw lo to na. Gacxe waa, niina laa naa ga, gazhixcuaa naa zaatne cuëz to ga.

JUAN 6:40

Sac racladz me: grëse zha ne gbig lo naa ni gliladz zho naa dib zdoo zho, grëse zho ygaa tib guieḻmban ne ib gdziṉd dze lozh, ni cueeban naa zho gaḻ dze ne nitlo guidzliu.

JUAN 3:36

Grëse zha ne gnalo me, laa zho bgaale tib guieḻmban ne ib gdziṉd dze lozh; saṉgue zha ne gond xtiidz me, gdziṉd zho gbaa, zaatne ygaa zho guieḻmban co. ¡Grëse zha co, ible zgaa zho guieḻnëdox ne csiaab Dios!

JUAN 14:28

Laa to binle gaṉle, laa naa no guia lo Pxoz naa per zbire naa guiaḻ naa lo to stib. Teḻne nli rleynie to naa iṉe nley goḻgac, niina ne ron to laa naa guia lo me, sac goṉ meṉ nroobraa nac me lo naa.

JUAN 12:26

Zha ne racladz sëëb xnëz naa, none guṉ zho miṉe rnabey naa; ni zaatne gdziṉ naa yeque zho no gdziṉ ga. Ni grëse zha ne sëëb xnëz naa ni gon zho xtidz naa, zuṉnon Pxoz naa zho.

LUCAS 24:26

Bzeetle zha co name ible no csacsi miech me, antes ne gbire me lo guieḻndzon ne no me.

JUAN 14:3

Ni zeeṉe lozh gzhixcuaa naa zaatne cuëz to, hor co laa naa gbire guiaḻ stib, dzigosi laa to sënaḻ zhits naa; zeeṉa tibaque zaatne gbiaaz ne.

JUAN 14:5

Pquiab Mazh rëb Mazh lo me: ―Maestro, peleḻ nëz na gacndioṉ no, ni per ni zaatne tsie luu ndioṉd no.