JUAN 13:6 - Zapotec Mixtepec: Diidz ne rdeed guielmban

⁶ Zeeṉe laa me zie quiib me ni Simón Pedr, rëbchaa Simón lo me: ―¡Lëda i goṉ! ¿Pe nacne leḻ luu quiib ni naa?

JUAN 13:6 Referans Kwoze

JUAN 1:27

Tib meṉ non nac me, per ni par gac naa tib nguṉdziin win ne glit lab me ni me raguiaḻd naa; ni merle csilo guṉ me dziin ne pxeeḻ Dios me guṉ me.

LUCAS 5:8

Zeeṉe goṉ Simón scataa meḻ taf ne bgaa, pquiitsgzhib me lo Jesús, rëb me: ―Bzhiguieḻ mazd psaan naa, tib miech ngoopdoḻ nac naa, rdzieeld so luu lo naa nu.

JUAN 13:5

Dzigo blaat me nis tib leṉ bandej laa me psilo noguiib me ni grë zha ne nacgza no, zigse rlozh rguiib me ni tib zho scase scase rcuiidz mew con lar ne ndxie leṉ me ga.

JUAN 13:7

Pquiab me rëb me: ―Grieelod guieṉ luu niina, pe nacne quiib naa ni luu; haxta tedraa nu dzigo gaṉle guieṉ luuw.