HECHOS 8:5 - Zapotec Mixtepec: Diidz ne rdeed guielmban

⁵ Zig nac Lip, zeeṉe bdziṉ me tib guiedz nëz Samar, psilo me bnee me Xtiidz Jesús lo grë miech co.

HECHOS 8:5 Referans Kwoze

HECHOS 6:5

Grëse zho rëb, wen sca gaca. Horcogazh psilo zho ble zho zha ne so guṉ dziin co. Bzo zho tib meṉ lë Lip, tib meṉ lë Prócoro, tib meṉ lë Nicanor, tib meṉ lë Timon, tib meṉ lë Parmen, tib meṉ lë Xteb, rlupaa dib zdoo me rliladz me Dios ni nacnie Espíritu Sant me; ni tib meṉ Antioquí lë Nic, mazd glo Nic goc tib zha ne bleyniedox grë zhiwseed zha Israel.

HECHOS 21:8

Biini liu briee no ga bdziṉ no guiedz Cesarea, ga biobiaaz no lidz ti meṉ ne noneeque Xtiidz Dios lo miech, lë Lip. Lëë Lip co ga gocgza sxoop zha ne bzo beeṉ xyudar zha poxtl.

HECHOS 8:40

Zeeṉe laa Lip brieequia, laa Lip nole guiedz ne lë Azot. Ga psilo me zigse zie me, guiedz ne rdedtaa me rnee me Xtiidz Dios lo grë miech co. Sca bio me nëz, haxta bdziṉ me guiedz Cesarea.

1 CORINTIOS 3:11

sac goṉ nod pe nacne csëëb zho stib cimient, tibaque cimient no, lëë cimient co nac Jesús.

1 CORINTIOS 1:23

Gacxe waa zeeṉe rnee no lo zho Jesús meṉ ne pquia lo cruz, meṉ cose csilaa miech, rlëë zha Israel ron zhow; laa zha Gres, rzhidznie.

HECHOS 5:42

Ib psaand zho zhiwseed Jesús, gzobse dze rie zho yadoo ni rieque zho stib yu stib yu, rnee zho lo miech ne nli lëë Meṉ ne zëëble diidz cxeeḻ Dios lo guidzliu ga nac Jesús.

1 CORINTIOS 2:2

Beṉd naa dieṉ peraa nseed naa to, sinque miṉe nac zhiwseed Jesús miṉ co biaḻne naa, zeeṉa gacnaṉ to cho nac me ni pe nac ne pquia me lo cruz.

HECHOS 9:20

güey me grë yadoo win ne no ga, rnee me lo grë miech co cho nac Jesús, rnee me lo zho ne nli Xpëëd Dios nac Jesús.

HECHOS 8:1

Dzigo pcaalsase bla zha bgui ne noxco rleynie Dios, güey zho güeyqueets zho Xteb; mban rac zho, bio zho xquieḻnë me. Leṉ dze co, psilo zha ne sca rlëënie zha ne rliladz Jesús, ptsidiḻ zho grëse zha ne rliladz me; dipse leṉ guiedz Jerusalén pquianaḻ zho zho. Grëse zho bzhooṉ, zha ne zie grëraa guiedz ne ndxie nëz Judé ga, zha ne zieegaa nëz Samar; loxaque zha ne nacse poxtl biaaṉ Jerusalén.

HECHOS 1:8

Sinque to, zeeṉe laa Espíritu Sant gneedz guieḻbiini lo to, hor co laa to ygaa poder ne rap me, laa to csilo gnee lo grë zha Jerusalén cho nac naa; tsie to dib xtan zha Judé, dib xtan zha Samar, ni lo grëragaa miech, tsienee tow.

HECHOS 8:6

Ndal zho rquiaadiag miṉe rnee me, rzee zdoo zho raṉ zho grëtaa milagr ne ruṉ me.

HECHOS 8:26

Laa Lip no Samar ga, tib dze brieequia tib xanjl Dios lo Lip, rëb me tsie Lip nëz ne rriee Jerusalén zie nëz Gaza.

HECHOS 8:30

Zeeṉe bgaa carret co lo Lip, bin Lip pa lo nolab meṉ co; nacne rëbchaa Lip lo me: ―¿Pe rieṉ luu cho raquiet zaatne nolab luu i?