GALATAS 5:6 - Zapotec Mixtepec: Diidz ne rdeed guielmban

⁶ Sac zha ne nli nole xnëz Jesús, peet liaadz nodraa zho bey ne rio zha Israel. Miṉe noxcoraa zho nac ne dib zdoo zho gliladz zho Jesús, ni scagaa grieelo gleynie zho samiech zho.

GALATAS 5:6 Referans Kwoze

GALATAS 6:15

Grëse zha ne ygab xnëz Jesús, nacda ne dieṉ cho no bey ne rio zha Israel, chogaa noda; sinque miṉe non nacne ctsëë Dios lo xquieḻmban zho.

1 CORINTIOS 7:19

Miṉe mazdraa non lo me, gban zho zigne rdziladz me, guieṉdraa ne dieṉ cho no bey, chogaa noda.

1 TESALONICENSES 1:3

Ni zeeṉe rzeet no to lo me, rsoladz no grëtaa dziin ne ruṉ to niina ne dib zdoo to rleynie to me, ni zha quialëb to lo grëtaa guieḻnë ne noyaṉ to, tibaque nonie guic to ne ible zdziṉ dze ne laa Jesús guiaad stib.

GALATAS 3:28

Miṉcocxe nagoṉ waa, grëse ne tibaque nac ne niina, guieṉdraa ne gooṉ cho nac zha Israel, cho nacgaa zha zit; dieṉ cho nac nguṉdziin, cho nacgaa zha ne rnabey; gooṉ dieṉ cho nonraa pe mguiw te wnaaw ye; sac grëse zha ne nacniele Jesús, tibaque nac zho grë zho.

2 CORINTIOS 5:14

Laa no nodziuuṉ dziin rii, sacne rleynie no Jesús, maase teḻ zhataa rzac miecha. Ndioṉpaa no Jesús bgaa guieḻgut ne nioguiaḻ ne; scaquegaa, ndioṉ no niina ne laa no bziaab xnëz me, rrieequia gutle no lo grëtaa ncuaaṉe ndzinlid ne bdziuuṉ no glo.

1 PEDRO 1:8

Me i squitaa rleynie to, me i squitaa rnalo to, niicle ne goṉde to me, niicle ne raṉde to me. Tib guieḻbley nrooba lo to, tib guieḻbley ndzona, nacda ncuaaṉe grieelo gnee to zha naca;

COLOSENSES 3:11

Zha ne bgaale guieḻmban cub rii, led yedraa zho cue dieṉ cho zha nac zha Israel, dieṉ cho zhagaa nac zha zit; dieṉ cho no bey, dieṉ cho nodgaaw; dieṉ cho ziaad guiedz nroob, dieṉ cho ziaadgaa guiedz win; dieṉ cho rac, cho gacdgaa; dieṉ cho ruṉ xtsiiṉ beṉ, dieṉ chogaa nac zha rnabey. Miṉe rquiinraa niina, nacne grëse zho guieṉ gaṉle Jesús nac meṉ ne mazdraa non, me none gnalo zho.

HEBREOS 11:8

Zig nac Abraham, ne dib zdoo me bnalo me Dios, gane zeeṉe bredz Dios me ycaania me zaatne gdeed Dios lo me, binga me diidz briee me zie me, niicle ne naṉd me zha nac dan co.

1 CORINTIOS 13:13

Goḻgacnaṉ sca gaṉle, grë guieḻbiini co zdziṉ dze ne yquiindraaw, saṉgue ne znu: dib zdoo ne rnalo ne Dios, noniepaa guic ne zac miṉe rnee me, ni rleynie ne samiech ne, lozhda. Per lo gza tsoṉa nagoṉ, guieḻwleynie co nac miṉe gdziṉd dze ne gdzëë.

GALATAS 3:26

Gacxe waa, teḻ to xpëëdle Dios nac to porne dib zdoo to rliladz to Jesús,

EFESIOS 6:23

Rnab naa lo Dios meṉ ne nac Pxoz ne, ni lo Jesús meṉ ndzon ne rnabey, me gacnieṉ to peet zhgab ctsebde to, iṉe tibaque gliladz to me, iṉe gleynie to samiech to.

COLOSENSES 1:4

sac zidzion no ne nlipaa dib zdoo to rliladz to cho nac Jesús, ni rleynie to grëse zha ne no xnëz Dios.

LUCAS 7:5

rleynie me meṉladz ne, haxta bzaa me tib xyadoo no lad guiedz nu.