GALATAS 5:21 - Zapotec Mixtepec: Diidz ne rdeed guielmban

²¹ në rac zdoo zho raṉ zho ncuaaṉe quianie stib miech, rzudz zho, rcaalsa zho zaatne loxaque rowcho zho, ni ruṉ zho grë guieḻyozh. Grë ncuaaṉ co ruṉ zho ni grëragaa ncuaaṉe ndzinlid ne sca nac. Laa naa rbire rso diidz lo to, guṉde to grë ncuaaṉ co; sac goṉ grëse miech ngoopdoḻ ne sca rban, grieelod gdziṉ zho zaatne rnabey Dios.

GALATAS 5:21 Referans Kwoze

ROMANOS 13:13

None ndzinli gban ne: dziuuṉd ne guieḻgonziu, dziuuṉd ne grë lni yozh, yquiangobd ne zha ne led tsieeld ne, dziuuṉd ne grë guieḻyozh ne racladz xcuerp ne, diḻnied ne samiech, glëënied ne zho zeeṉe stib noded zho.

ROMANOS 8:13

Sac teḻne grë ncuaaṉ co tsienaḻ to, ible znitlo to; saṉgue teḻne gnab to gacnieṉ Espíritu Sant to csaan tow, dzigo ible zgaa to tib guieḻmban.

EFESIOS 5:18

Gzudzde to, sac goṉ lo guieḻgonziu ruṉ miech ncuaaṉe nonguieḻdraa; sinque mazd goḻnab gneedzraa Espíritu Sant guieḻbiini lo to, zeeṉa iṉe:

1 CORINTIOS 5:11

Sinque zha ne bzet naa ga ctsieelsade to, nac zha ne nacle diidz xnëz Dios no zho, ni noque zho quiayuṉctal zho xtoḻ zho, no zho rquiangob zha ne led tsieeld zho, no zho zienaḻ loxaque guṉlo dimi, zhiga zhiga laa ne gleynie zho Dios leḻ zhaa ncuaaṉe rleynieraa zho, no zho rquiadiidzguizh samiech, no zho rzudz, nogaa zho ruṉ guieḻgbaan. Ne nligaa zha ne sca nac, per ni tib guieḻwagw gowniede to zho.

APOCALIPSIS 21:27

saṉgue grë ncuaaṉe mbixladz gdziṉda ga. Zig nac grë miech ne ruṉ grë guieḻntseeb, grë zha ne tibaque noquidie, gdziṉd zhow; loxaque zha ne zhoob lë leṉ xlibr meṉ ne nac Carner yeeṉ co (libr ne no lë zha ne ygaa guieḻmban cub ne gdeed Dios ga), zha cose gdziṉa.

1 PEDRO 4:3

Grëtaa ncuaaṉe ndzinlid ne ruṉ grëraa miech, goḻguiaaṉladza. Goḻguiaaṉladz zeeṉe scataa ptsieelsa to zho, bzudz to, lega dowcho, lega gocho to nziu, haxta bionie to zha ne nacd tsieel to; bio to lo grë lni, bleynie to grë mdio.

COLOSENSES 3:6

Grë doḻ rii ruṉ grë zha ne nëd gon xtiidz Dios, lozh ga lëë miṉe tsieguiaḻ zho laa zho ygaa lo guieḻzi ne csiaab Dios.

1 TESALONICENSES 5:7

Sac teḻ guieela, guieel raaguies miech, niicle zha ne rzuudzgaaw guieel rzudz zho.

1 CORINTIOS 15:50

Goḻgacnaṉ sca gaṉle, cuerp ne rdziaap ne lo guidzliu rii, grieelod gdziṉa zaatne rnabey Dios; sac rdziṉ dze ne rnitlow, grieelod gaca tib cuerp ne guete.

APOCALIPSIS 22:15

Saṉgue grë miech ne racntseeb lo Dios, zha ne rleynie guieḻbruj, zha ne rionie zha ne led tsieeld, zha ne rut samiech, zha ne rleynie grë mdio, zha ne loxaque noquidie samiech, ni tib zha co grieelod ted ro puert co.

MATEO 25:34

’Lozhse ga, naa ne nac naa meṉ ne rnabey, hor co laa naa cuedz zha ne no xnëz naa, guiep naa lo zho: “Goḻtë grëse to, to ne nac to zha ne nziuu lo Pxoz naa. Goḻted zeeṉa ycaania to zaatne cuëz to, ible par to bzaa mew desde zeeṉe bzaa me guidzliu.

LUCAS 21:34

¡Nsin sca goḻso, zaacse goḻgac! ¡Adeḻ gaḻ dze ne laa naa guiaḻ, leḻ lo grë ncuaaṉe ndzinlid, leḻ lo guieḻgonziu, leḻ lo grë zhgab ne rac lo guidzliu rii no to, zigne guṉ grëraa miech! Sac goṉ, lega naclew glanso naa.

HEBREOS 13:4

To ne nac to zha ne ptsieelniale, sacde to guieḻtsieel zig beeḻze pe wguit, ib yquidiede to tsieel to; sac zha ne yquiangob tib zha ne nonguieḻd tsonie zho o yquiangobgaa zho tib zha ne nole tsieel, ib tedsod zuṉquizh Dios zho doḻ co.

2 TESALONICENSES 2:5

Per no tib meṉ ne notse lo zho niina, laga gdziṉ dze ne laa zho guiaad. Goḻsoladz gaṉle, blactaa bzeet naa miṉ rii lo to leṉ dze ne blëz naa i.