GALATAS 1:18 - Zapotec Mixtepec: Diidz ne rdeed guielmban

¹⁸ Gocle tsoṉ iza dzigoraa bia naa Jerusalén, hor coraa beeṉbey naa Pedr; blëz naa lo me ga tsiiṉ ngbidz.

GALATAS 1:18 Referans Kwoze

JUAN 1:42

Dzigo güeynie Ndrés Simón zaatne no Jesús ga. Zeeṉe goṉ Jesús Simón, rëbchaa me lo Simón: ―Bina gaṉle, nli Simón nac lë luu ni xingan Jonás nac luu, saṉgue niina laa luu grieelë Cef. (Cef rnee zha Israel quie, laa xtiidz zha Gres rnee zhow Pedr.)

GALATAS 2:7

ib peet blisquid zho lo naa, niicle peet pseetragaa zho naa. Sinque laa zho gocnaṉ gaṉle ne ib Dios bzoo naa guṉ naa xtsiiṉ me, gaseed naa grë zha ne nacd zha Israel guieṉ zho zha laa zho lo doḻ; zigne bzoque me Pedr noseed Pedr zha Israel. Dios meṉ ne bzo Pedr quiaseed Pedr zha Israel, lëëque me bzo naa quiaseed naa grë zha ne nacd zha Israel.

GALATAS 2:9

Gacxe waa, zig nac Pedr, Jacob, Juan, zha ne zo rnabey lo grë zha ne rliladz Jesús ga, laa zho bieṉ ne ible naa bgaa guieḻnzaac rii, bneedz Dios dziin rii lo naa. Dzigo rley zho haxta bzheṉ zho nia no grop no Bernabé, laa no biaaṉ diidz ne zha tsieseed zha Israel, laa no guioseed grë zha ne nacd zha Israel.

GALATAS 2:11

Laa zeeṉe biaad Pedr Antioquí, dzigo ga nli laa naa goctox lo Pedr, sac ncuaaṉe ndzinlidraa quiayuṉ Pedr.

GALATAS 2:14

Nacne zeeṉe goṉ naa sca zienaḻdraa zho zigne nacpaa wseed ne ziaadnie Xtiidz Dios, squi ndxie grëse zha ne rcaalsa ga goctox naa lo Pedr, rep naa: “Luugase name niicle ne zha Israel luu, ni mband luu zigne nac zhiwseed zha Israel, ¿pe nac dzigo ne racladz luu gnabey luu grë zha ne nacd zha Israel, gban zho zigne nac zhiwseed zha Israel?”