EFESIOS 5:26 - Zapotec Mixtepec: Diidz ne rdeed guielmban

²⁶ blee me zho lo doḻ, ni biaaṉmbe zho zeeṉe laa zho pquiaadiag xtiidz me, wban zhow ni brobnis zho;

EFESIOS 5:26 Referans Kwoze

JUAN 15:3

’Zig nac to goṉ, laa Dios psaṉmbele to sacne zienaḻ to grë xtidz naa miṉe pseed naa to.

HEBREOS 10:22

niinasi zacle gdziṉ ne haxta lo Dios. Nana sca, dib zdoo ne goḻgotsaa gbig ne lo Dios, dib zdoo ne goḻgotsaa gnalo ne me, beṉque laa me psaṉmbele ne lo grëtaa ncuaaṉe yozh ne rza zdoo ne, rza guic ne; rrieequia bgaz me ne tib nis mbe.

JUAN 3:5

Rëbchaa Jesús: ―Ible none gal miech, none gal zho zigne racladz Dios. Sac teḻne chobnisd zho ni ygaad zho Espíritu Sant, grieelod sëëb zho zaatne rnabey Dios.

1 CORINTIOS 6:11

Blalaa to bio lo grë doḻ co glo, saṉgue niina miech mbele nac to nëz lo Dios, laa Jesús ni Espíritu Sant psaṉle to zig tib zha ne peet xtoḻd, laa me psaṉwenle to nëz lo Dios.

EFESIOS 6:17

Goḻsoladz gaṉle laa Dios psilaale to lo guieḻgut, goḻsaca zigne rzac meṉguiib pchog guiib ne rzob guic zho, rsilaaw zho lo guieḻgut. Ni goḻsac Xtiidz Dios miṉe rneedz Espíritu Sant lo to, zigne rzac meṉguiib xquiib zho.

1 JUAN 5:6

Teḻ ne, ndioṉ ne ni rliladz ne gaṉle nli Xpëëd Dios nac Jesús, sac zeeṉe biaad me horne norobnis me, horne nolozh me, ga blu gaṉle cho nac me. Ni ye Espíritu Sant nolu gaṉle ne scaw, ni miṉe rnee me diidzliw.

TITO 2:14

Sac goṉ, me bgaadz guieḻgut ne nioguiaḻ ne, me bdiizh grëtaa guieḻntseeb ne bdziuuṉ ne, psaṉmbe me ne lo grëtaa ncuaaṉe bdziuuṉ ne; gane niina, lo me ngab ne, ni none dzioxco ne gban ne zigne rnabey me.

HEBREOS 10:10

Ni nligaa beeṉ me miṉe bnabey Dios, bdeed me me gut me lo cruz; ne sca nagoṉ beeṉ me miṉe bnabey Dios, ga psaṉmbe me ne lo doḻ. Tibaque vuelt sca goc me gon co, ni lëë psaṉmbele me ne ga.

1 PEDRO 3:21

(Lega rrieequia goc nis co zig nis ne rrobnis ne. Zeeṉe rrobnis ne, ga rlu ne laa ne brieele ladznia doḻ, ygaadraa ne guieḻnëdox ne tsieguiaḻ zha ngoopdoḻ, sac goṉ por miṉcopaa gut Jesús ni brieeban me; ni guiabd ne togo nis co rsaṉmbe ne lo xtoḻ ne, sinque ga rxobneṉ ne ne laa ne rnab lo Dios ctsëë me lo xquieḻmban ne.)

HEBREOS 9:14

¿Pe leḻ xchen Jesús dzigo? Mazdraa goṉ nac xchen me, ible saṉmbew ne lo grëtaa ncuaaṉe paat rquiind ne bdziuuṉ ne glo, niinasi zrieelo dziuuṉ ne miṉe rnabey Dios nguiamban. Sac goṉ, teḻ Jesús ni tib doḻ rapd me, ni Espíritu Sant bloo zdoo me bdeed me me goc me tib gon mbe.

HECHOS 22:16

Guso i sca, zeeṉa chobnisgazh luu. Dib zdoo luu bredz Jesús, bnab lo me csaṉmbe me luu lo xtoḻ luu.”

1 PEDRO 1:2

Dios meṉ ne nac Pxoz ne, ible me bzooblo to mazd padzeela, sac naṉle me laa to gac xpëëd me. Bdziṉ dze, zeeṉe laa me pxeeḻ Espíritu Sant bleextso to laa to ngab xnëz me, zeeṉa gban to zigne rnabey me, ni lozh csaṉmbe Jesús to; sac ible miṉ co nacne bzhiee xchen me. Dios glu gaṉle pa lotaa noxco me to, zeeṉa peet zhgab ctsebde to.

JUDAS 1:1

Naa nac Judas, bets Santiagw; xtsiiṉ Jesús quiayuṉ naa. Laa naa rxeḻ guits rii lo to, grëse to ne nac to zha ne bredz Dios bzëëb xnëz me. Ne nligaa nquialadz me to, ni haxta quianap Jesús to.

HECHOS 26:18

tsienee luu lo miech gacnaṉ zho miṉe nacpaa diidzli, zeeṉa griee zho lo ncow gbig zho nëz lo biini, griee zho ladznia meṉdox ygab zho lo Dios. Dib zdoo zho gliladz zho naa zeeṉa guṉ Dios zho perdon, ni ygaa zho zaatne gdziṉ grëse zha ne mbe zdoo.”

JUAN 17:7

Zig nac niina, grëse ncuaaṉe bneedz luu lo naa, naṉle zho ne luu bneedza,

SANTIAGO 1:18

Zdoo me gola bneedz me tib guieḻmban ndzon lo ne niina ne laa bliladz Xtiidz me, masaque rrieequia ne nac mëëdglo lo me.

JUAN 15:8

’Goḻlu sca ne nli xpëëdscuel naa nac to, goḻsaṉnon Pxoz naa, niapse ncuaaṉe rdziladz me miṉ co goḻguṉ.

JUAN 13:10

Dzigo rëbchaa me: ―Zha ne gozle, nise zho riar; sac mbele zho. Scaque to nagoṉ, mbele to grë to. Grë to rne naa, niicle ne led gzadpaa to mbe.

ROMANOS 10:8

Rquiind paraa tsieguib zho csilaa me zho, zig rzac zho zdoo zho, zig rzac zho ro zho, sca gax lo zho zo me quiambëz me csilaa me zho. Miṉ co nac miṉe noseed no miech, rnee no lo zho:

2 CORINTIOS 11:2

Goḻgacnaṉ gaṉle, zigne rzac Dios to scaque rzaac naa to, ib racladzd naa cho guiaadquidie to. Miṉe racladz naa Jesússe gleynie to, zig ruṉ wnaa nguieg ne no xtiidz ctsieelnia. Sac teḻ wnaa nguiega, mgui ne no xtiidz zho mgui cose rleynie zho, haxta rdziṉ dze ne rtsieelnia zho.

COLOSENSES 3:16

Niapse miṉe nac Xtiidz Jesús goḻconie guic to, goḻco zdoo to. Goḻquiin grë guieḻbiini ne rneedz me lo to, goḻseed grë zha ne nacgrë to, ni zha ne rxiṉ, goḻnee lo zho zaacse gac zho. Dib zdoo to goḻdeed xquizh lo Dios por grëtaa miṉe ruṉ me, iṉe goḻgooḻnie me grë salm, goḻgooḻnie me grë cant ne rdziooḻnie ne me.

HEBREOS 4:12

Sac Diossi goṉ, diidz ne rnee me, nona. Zeeṉe rnee me, rieṉ ne grëse miṉe nac ne. Naṉ me pe no guic ne, pe rza zdoo ne; niicle ncuaaṉe rzac ne mazdraa ngueetsa, naṉ mew.

HEBREOS 10:14

Tibaque gon ne bdeed me ga, psaṉmbegazh me grëse zha ne nodziṉnie me lo Dios.

HEBREOS 10:29

Nana, ¿pe leḻgue zha ne dzigo quiits miṉe rnabey Jesús? Mazdraa goṉ nac guieḻnë ne ygaa zho, sac noguitnie zho xchen Jesús ga, rzhidznie zho Espíritu Sant ga sca guṉ zho. Noguitnie zho ren co, ni lëëw bzhiee biaaṉmbe zho lo doḻ, lëëw bzhiee zeeṉe psaṉ Dios stib xtiidz me zha gbig miech lo me; rzhidznie zho Espíritu Sant, ni meṉ co no zhixco zho.

HEBREOS 13:12

Scaque Jesús, zeeṉe bzhiee xchen me psaṉmbe me miech lo doḻ; ro guiedz ga güeysacsi zho me gut me.

2 PEDRO 1:9

Sac zha ne tsoxcoda, rrieequia rchooḻ lo zho ga, rrieequia rcowle guic zho ga, sac goṉ rsoladzd zho zha nactaa lo grë doḻ ne blee Dios zho.