EFESIOS 4:29 - Zapotec Mixtepec: Diidz ne rdeed guielmban

²⁹ Gneede to diidznë, sinque diidz ne ndzinli, diidz ne yquiin goḻnee, zeeṉa zha ne gona iṉe cchoobladza zdoo zho, iṉe yquiina lo zho.

EFESIOS 4:29 Referans Kwoze

COLOSENSES 4:6

Goḻguieṉ tib godiidz ndzinli, tib godiidz niowse, miṉ co goḻzodiidznie zho, ni none guieṉ to zha ctsire to lo xtiidz zho tib tib zho.

1 TESALONICENSES 5:11

Nana sca, tib tib to goḻdeed xfuers zha ne nacgrë to, niapse diidz ne guṉ xyudar zho choobraa zho lo Xtiidz Dios, miṉ co goḻnee lo zho; zigne quiayuṉaque to niina.

MATEO 5:16

Zaacse sca goḻgac, miṉe rquiin miṉ co goḻguṉ, masaque lëëw gac zig tib biini; zeeṉa zeeṉe gaṉ miech biini co zieṉ zho gaṉle pa lotaa meṉ nroob nac Pxoz to meṉ ne no gbaa.

1 PEDRO 2:12

Goḻguieṉ zaacse goḻgac lo grëraa zha ne gard guṉbey Dios; niicle ne gneenë zho to niina, sac zho to zig cho grë zha ntseeb, per zeeṉe gaṉ zho ne ndzinli nac grë ncuaaṉe ruṉ to, haxta zleynie zho Dios gaḻ dze ne laa Jesús guiaadguṉ guieḻwxtis.

LUCAS 4:22

Grëse zho rleynie zho me, rlozhd gzee zdoo zho ron zho grëtaa diidz ndzon ne rnee me. Rnabdiidzlsa zho rnee zho: ―¿Bay zha squitaa pseed meṉ qui? ¡Led lëë xingan José i!

1 PEDRO 3:1

Bzian, to ne nac to meṉ wnaa ne ptsieelniale, goḻgon xtiidz tsieel to. Niicle teḻ nëd zho gliladz zho Xtiidz Dios, per zeeṉe gaṉ zho ne nligaa ndooladz nac to, iṉe ndzinli rac to, haxta zhal zho laa zho yquiabladz gliladz zhow. Yquiindraa ne gooṉ chopaa yquia gneew lo zho.

EFESIOS 4:16

Ni ne me nac meṉ ne rnabey lo ne, me rnabey zha gac tib tib dziin ne pso me ne dziuuṉ ne; niicle ne nzian ne, per tipse nac ne laa ne nodziuuṉ dziin ne pso me ne, zeeṉa xixcuaaraa lo xquieḻmban ne, ni lozh guieṉ ne zha gleynieraa ne samiech ne.

EFESIOS 4:12

Laa me ruṉ miṉ co, sac laa me racladz grëse zha ne ngab lo me lozh xixcuaa lo xquieḻmban zho, zeeṉa guieṉ zho zha guṉ zho xtsiiṉ me;

2 PEDRO 2:18

Niats rzë xtiidz zho, per ncuaaṉe paat rquiind rnee zho. Miṉe mazdraa mban ruṉ zho, rio zho lëëque lo grë guieḻyozh ne rdeed guxt xcuerp zho rquiil zho grë zha ne pense briee lo doḻ, rlozh ga rbiire riab zha co lo grë doḻ co stib.

1 CORINTIOS 14:19

per zeeṉe zo naa zaatne ndxie grë zha ne noquiaadiag Xtiidz Dios ruṉd naa ne gnee naa stib diidz, sinque rne naa miṉe guieṉ zho. Rieṉ naa wenraaw gne naa maase gaayaque lan diidz, per miṉe guieṉ zho, lëdle so naa gne naa tsii mil diidz, ncuaaṉe ni tib choot guieṉd.

ROMANOS 14:19

Goḻtsoxco sca, guṉde to ncuaaṉe codiḻ to grë zha ne nacgrë to; zeeṉa tipse gac to lozh tsoguic to zha racladz Dios gban to.

JUAN 1:37

Zigne bin zhow, laa zho zienaḻ zhits Jesús.