EFESIOS 4:25 - Zapotec Mixtepec: Diidz ne rdeed guielmban

²⁵ Goḻguieṉ sca, yquidiedraa to samiech to, sinque niapse miṉe nac diidzli goḻnee, sac goṉ teḻ ne pe nacne yquidielsa ne ni tibaque nac ne grë ne.

EFESIOS 4:25 Referans Kwoze

COLOSENSES 3:9

yquidiedraa to samiech to. Sac goṉ, nacdraa to zigne nac to glo, laa to brieele lo grëtaa miṉe beeṉ to.

EFESIOS 4:15

Sinque guionaḻ ne miṉe nac diidzli, iṉe gleynie ne samiech ne, tibaque laa ne guionaḻ zigne nac Jesús, meṉ ne rnabey lo ne grë ne ne ngab ne lo me (rrieequia xcuerp me nac ne, me nac guic cuerp co).

APOCALIPSIS 21:8

Saṉgue grë zha ne rdzieb gban zigne rnabey naa, grë zha ne rbiche lo naa, grë zha ne ruṉ grë ncuaaṉ mbixladz, grë zha ne rut samiech, grë zha ne rionie zha ne led tsieeld zho, grë zha ne rleynie guieḻbruj, grë zha ne rleynie grë mdio, grë zha ne tibaque noquidie samiech, grëse zha co miṉe ygaa zho nac lo guidox ne noyec zufr ga; lëë guieḻgut brop ga.

TITO 1:2

wseed ne rlu gaṉle ible laa ne quiambiaaz ygaa ne tib guieḻmban ne gdziṉdraa dze lozh. Ansraa ne tsaa guidzliu, laa Dios bzeetle ne laa me gneedz guieḻmban co, ni mesi goṉ led yed me rquidie.

1 TIMOTEO 4:2

Grë zha ne guiaadnie wseed co, ni lalnu yquiad zdoo zho zeeṉe laa zho yquidie miech.

APOCALIPSIS 22:15

Saṉgue grë miech ne racntseeb lo Dios, zha ne rleynie guieḻbruj, zha ne rionie zha ne led tsieeld, zha ne rut samiech, zha ne rleynie grë mdio, zha ne loxaque noquidie samiech, ni tib zha co grieelod ted ro puert co.

2 CORINTIOS 7:14

Bzodiidzle naa lo me, ne squitaa wen miech nac to, gane rley naa psaṉde to naa guieḻto. Teḻ naa niapse diidzli rne naa, zig nac niina, zig repse naa lo Tit scase goṉ me rac to.

TITO 1:12

tib meṉladzaque zho, tib meṉ rac lo zho bzeet gaṉle zha nac zho zeeṉe znu bnee me: “Naṉdraaque zha Cret, loxaque noquidielsa zho samiech zho. Masaque mban zho zigne mban grë ma ntseeb ne no guix; loxaque gowse zho zienie guic zho, rbech zho guṉ zho dziin.”

1 CORINTIOS 10:17

Niicle ne ndal nac ne, per ne tibaque guietxtil ne rdioow ne, miṉ co gane tibaque cuerp nac ne grë ne, ni lëë xcuerp Jesús ga.

JUAN 8:44

Goḻgacnaṉ sca gaṉle, lëë pxoz to ga goṉ nac meṉdox, lo ma ngab to, gacxe waa rdziladz to ruṉ to grë ncuaaṉe ruṉ ma. Teḻ meṉdox, haxta zeeṉe biaaṉ guidzliu tibaque nonitlo ma miech, ni ib rneed ma miṉe nac diidzli, sac ib naṉd ma zha nac diidzli. Ible lëë xtsiiṉ ma ga nac guieḻwquidie, gacxe waa ma nac pxoz zha ne rquidie.

EFESIOS 5:30

sac nac zho zig xcuerp me. Ni lëë tib lë cuerp co nu nac ne.

EFESIOS 4:22

Miech yozh ne goc to glo, grëtaa ncuaaṉe ndzinlid, grëtaa guieḻyozh ne gocladztaa xcuerp to beeṉ to, ¡goḻsaana!

EFESIOS 4:31

None csaan to: guieḻnialadz, tso to gow gzhiizh zdoo to; glëëdraa to, sobzhiandraa to, coredzdraa to, gacntseebdraa to, ni grëragaa guieḻntseeb ne no, guṉde tow.

COLOSENSES 3:8

saṉgue niina, none csaan tow, ni lalnu: glëëniedraa to samiech to, sobzhiandraa to, guṉdraa to guieḻntseeb, gneenëdraa to samiech to, gneedraa to diidzguidz,

HEBREOS 12:1

Nziandox grë zha ne sca dib zdoo bnalo Dios. Ni niina, grëse zha co laa zho ndxiewi lo ne; sac rrieequia tib lo prueb no ne noquiaa ne corr. Gacxe waa, goḻgotsaa csaan grë ncuaaṉe ruṉctal xtoḻ ne, zeeṉa ycadraaw parne grieelo tiblique dzio ne nëz gdziṉ ne zaatne no gdziṉ ne.

SANTIAGO 1:21

Goḻguieṉ sca, goḻsaan grëtaa ncuaaṉe ndzinlid ne ziyuṉ to, goḻbiche lo grë guieḻntseeb ne znutaa quiayac niina. Iṉe ndooladz goḻgac, goḻleynie Xtiidz Dios, diidz ndzon ne pseedle to; sac goṉ lëëw rlu zha laa to lo doḻ.

1 PEDRO 2:1

Nana sca: guṉdraa to grë guieḻntseeb, yquidiedraa to samiech to, guṉdraa to ne laglaase glu to guieḻwen, gacnëd zdoo to gaṉ to cho zha stib noded, gzhixcuaadraa to diidzguizh.