1 JUAN 5:5 - Zapotec Mixtepec: Diidz ne rdeed guielmban

⁵ Goḻgacnaṉ sca: zha ne dib zdoo rliladz Xpëëd Dios nac Jesús, zrieelo zho csaan zho grëtaa ncuaaṉe ruṉctal xtoḻ zho.

1 JUAN 5:5 Referans Kwoze

1 JUAN 4:15

Grëse zha ne rliladz Xpëëd Dios nac Jesús, ni rnee zhow lo miech, ga rlu ne nacnie Dios zho, ni scagaa zha nacnie zho me.

1 JUAN 5:1

Grëse zha ne dib zdoo rliladz ne ible lëë Meṉ ne zëëble diidz cxeeḻ Dios lo guidzliu ga nac Jesús, grëse zha co xpëëd Dios nac zho. Grëse zha co, par guieṉ ne dieṉ pe nli rleynie ne zho, none guieṉ ne dieṉ pe nli rleynie ne Dios, dieṉ pe nli ruṉ ne miṉe rnabey me. Nac cuent rii, zig nac tib yu miech, zha ne rleynie pxoz mëëd, scaquegaa rleynie zho mëëd.

MARCOS 9:23

Rëbchaa Jesús lo me: ―¿Zha rnee luu “teḻne zrieelow”? ¡Zha ne dib zdoo rnalo Dios, grëse ncuaaṉe racladz zho, zaca!

1 JUAN 5:20

saṉgue ne, laa Xpëëd Dios biaad bdixbiini me xquieḻrien ne bdziuuṉbey ne meṉ ne nacpaa Dios. Niinasi laa ne ngable lo meṉ ne nacpaa Dios ga, ni lëë me ga nac Jesús. Me nac Dios nguiamban, ni me nac meṉ ne rdeed guieḻmban ndzon ne gdziṉd dze lozh.

HECHOS 8:37

[―Zaca ―rëb Lip―, totsaque dib zdoo luu rliladz luu Jesús. ―Rliladz naa me ―rëb meṉ co―, rliladz naa ne nli Xpëëd Dios nac me.]