1 JUAN 1:8 - Zapotec Mixtepec: Diidz ne rdeed guielmban

⁸ Nana teḻ guiab ne: Teḻ naa ib peet doḻ rapd naa. Lëëque ne noquidie ne ga, rneelid ne ga zha nac ne.

1 JUAN 1:8 Referans Kwoze

ROMANOS 3:23

Zigne rne naa ga, grëse ne miech ngoopdoḻ nac ne lo Dios, ni palal rdzieeld gdziṉ ne lo xquieḻndzon me.

SANTIAGO 3:2

Grëse ne nzian mod ne rxiṉ ne lo samiech ne. Teḻ niaca miṉe no tib zha ne grieelo ycuëëz ludz pa lotaa gnee zho, zha cosi cxiṉd zho, haxta xcuerp zho zrieelo zho gnabey zhow.

1 JUAN 2:4

Laa teḻ zha ne rnee: “Xnëz me no naa”, ni rlozh ga ruṉd zho grë miṉe rnabey me, rquidie zho ga.

1 JUAN 1:10

Teḻne sca guiab ne rapd ne doḻ, rrieequia dzigo rzoob ne Dios zig tib meṉ ne rquidie; sac teḻ me, naṉpaa me grëse ne miech ngoopdoḻ nac ne.

GALATAS 6:3

Teḻ zha ne rzac zha non nac zho, ni laa zho peet nond zho; lëëque zha noguitnie zho ga.

SANTIAGO 1:26

Gacxe waa, zha ne rnee xnëz Dios no zho ni rgobeyd zho pe rnee zho, lëëque zha noquidie zho ga, ga rlu nlid zienaḻ zho miṉe rnabey Dios.

1 CORINTIOS 3:18

Goḻguieṉ sca zaacse goḻgac, teḻ no zha ne rzac nroob rac zho wseed lo guidzliu rii, gnalod zho miṉ co; nend leḻ lo co no zho, ygaad zho miṉe nacpaa guieḻrac, guieḻrac ne rneedz Dios.

2 JUAN 1:2

Rleynie no to sacne tibaque nac diidzli ne rliladz ne, ni tsod dze ne csaan new.

1 JUAN 1:6

Gacxe waa, teḻne rnee ne nacniele ne me, ni rlozh ga tibaque lo guieḻcow co no ne, rquidie ne ga dzigo.

SANTIAGO 1:22

Per guiabde to togo loxaque yquiaadiagse to Xtiidz Dios lëëlew ga; sinque ib none gban to miṉe rquiaadiag to, sac teḻ ib gbande tow lëëque to noquidie to ga.

2 TIMOTEO 3:13

Per probsaxe grë zha ne sca quiayuṉctal xtoḻ, zha ne sca noquidie miech, zig zie dze laa zho noteedquie zho nëz ne nitlo zho. Quiaguitnie zho miech, ni quiaguitniegaa meṉdox zho.

3 JUAN 1:3

Ne nlipaa bley naa, zeeṉe biaad bla zha bets ne nu, bzodiidz zho lo naa squitaa ndzinli mban luu, tibaque noxco luu zienaḻ luu miṉe nac diidzli.

2 PEDRO 2:13

por grëtaa guieḻntseeb, grëtaa guieḻyozh ne squitaa rley zho ruṉ zho haxta zobna ngbidz. Miech mbixladza, miech ngubeeguieḻtow, rquiaalose zho miech wen nac zho zeeṉe riaadsobnie zho to lo zhilni to.

JUAN 8:44

Goḻgacnaṉ sca gaṉle, lëë pxoz to ga goṉ nac meṉdox, lo ma ngab to, gacxe waa rdziladz to ruṉ to grë ncuaaṉe ruṉ ma. Teḻ meṉdox, haxta zeeṉe biaaṉ guidzliu tibaque nonitlo ma miech, ni ib rneed ma miṉe nac diidzli, sac ib naṉd ma zha nac diidzli. Ible lëë xtsiiṉ ma ga nac guieḻwquidie, gacxe waa ma nac pxoz zha ne rquidie.

ROMANOS 3:10

Zigne zhobneeque lo Xtiidz Dios, zaatne rnee: ¡Guieṉd miech ne zienaḻpaa miṉe racladz Dios! ¡Ni tib zho guieṉd!

1 JUAN 4:20

Teḻ zha ne rnee, rleynie zho Dios, ni rlozh ga rlëënie zho samiech zho, rquidie zho ga. Sac goṉ, teḻ naṉd zho gleynie zho samiech zho, zha ne raṉlopaa zho, ¿pe leḻ Dios dzigo gliladz ne nli rleynie zho, ni nac me meṉ ne raṉd zho?