1 CORINTIOS 4:10 - Zapotec Mixtepec: Diidz ne rdeed guielmban

¹⁰ Ne znu quiadziuuṉ no xtsiiṉ Jesús, masaque zha yozh nac no lo miech, laa to goṉ xquizh me zha rieṉ nac to lo zho. Zha nsis, zha zozhidzle rzoob zho no, laa to zha ndaan, zha ndip nac to. Masaque zha nziuu nac to lo zho, laa no rzac zho ni gaṉd zho lo no.

1 CORINTIOS 4:10 Referans Kwoze

1 CORINTIOS 2:3

Lega gzhe gzhe rac naa, haxta rzhidz naa, rdzieeb naa no naa lo to.

HECHOS 26:24

Tibaque nguiedz bnee Fest rëb me lo Pabl: ―¡Bod rzhiṉle guic luu goṉ Pabl! ¡Ne tibaque nagoṉ rio luu wseed gane squi riots xtiidz luu!

HECHOS 17:18

Tib dze bdzieelo me bla zha rac ne zienaḻ zhiwseed ti meṉ lë Epicur, ni zla zha ne zienaḻ wseed ne rnee zho estoic; psilo me bzeet me Jesús lo zho, bnee me zha brieeban Jesús. Zeeṉe bin zho zha rnee me, no bla zho rzhidznie me, rnee zho: ―¡Dieeṉ pe riab guic meṉ qui rnee me, ziaadquidie me miech! Zlagaa zho rnee, nend cho zhiwseed sti Dios ne rliladz miech stib dan zienie Pabl, gane sca rnee Pabl;

1 PEDRO 4:14

Zeeṉe rgodee miech to, rquiaago zho to loxaque ne no to xnëz Jesús, nley goḻgac; wen zie to ga, sac goṉ zhiEspíritu Dios nacnie to.

2 CORINTIOS 13:9

Gacxe waa, tib guieḻbley nroob ga lo no, teḻne zhal to znuse xixcuaa to, gac to zha ne nlipaa dib zdoo rleynie Dios; laa ne yquiambëz to guiaadlisqui no grë ncuaaṉe noyuṉ to. Laa no racladz gdziṉ dze ne gac to zigne rdziladz Dios, ni miṉcogaa quianab no lo me.

1 CORINTIOS 3:18

Goḻguieṉ sca zaacse goḻgac, teḻ no zha ne rzac nroob rac zho wseed lo guidzliu rii, gnalod zho miṉ co; nend leḻ lo co no zho, ygaad zho miṉe nacpaa guieḻrac, guieḻrac ne rneedz Dios.

1 TESALONICENSES 4:8

Gacxe waa, zha ne zienaḻd wseed rii, gacnaṉ zho gaṉle xtiidz Dios ga (meṉ ne rdeed Espíritu Sant lo zha ne ngab lo me) noguiits zho, led xtiidzd choḻze samiech zhow.

2 CORINTIOS 11:29

Zeeṉe ron naa cho tib to racladz guiaaṉ zdoo, mban rac naa zeeṉe rrieelod gane naa lo zho; zeeṉe rongaa naa cho tib to quiayuṉctal xtoḻ stib zho, ni rrieelod galisqui naaw lo zho, scaque mban rac zdoo naa.

2 CORINTIOS 11:19

Conque rzac to name nixbiini to, ¿zha nac dzigo rdeed to diidz rquiaadiag to ncuaaṉe rnee grë zha yozh qui?

2 CORINTIOS 10:10

Sac naṉle naa no zha ne rnee i: “Gonde to miṉe rnee meṉ qui. Loxaque lo guits ne rxeeḻ me squitaa ndox rzë xtiidz me, per loxaque diidza. ¡Zeeṉe zo me lo ne, tib zha yozhsew, per ni rieṉd me zha gnee me!”

1 CORINTIOS 10:12

Gacxe waa, zha ne rzac mbanpaa zho zigne racladz Dios, none nsin so zho zeeṉa guṉd zho ncuaaṉe guṉctal xtoḻ zho.

1 CORINTIOS 4:8

Niats rac to, masaque rzac to grële zhiwseed Dios naṉ to, gaxle zo to lo me, haxta rzac to tole nac zha rnabey, paat rquiindraa no. Wenzhe tebaa nligaa zha rnabeyle nac to, zeeṉa haxta ye no zley no.

1 CORINTIOS 3:2

Niapse ncuaaṉe ligase ziseed naa to, laa ne cseed naa to ncuaaṉe ndzielguic. Rrieequia nidzse nonedz naa quiaye to, laa ne gow to grë ncuaaṉe row zha gol. Haxta niinagaa gard tsoguic to zha nac grë miṉe ndzielguic,

1 CORINTIOS 2:14

Grë zha ne nacnied zhiEspíritu Dios, choḻze miech nac zho, grieelod tsoguic zho zha nac grë miṉe rlu Espíritu co lo no. Rzac zho ncuaaṉe paat rquiind naca, sac grieelod guieṉ zhow ne zhase.

HECHOS 17:32

Zeeṉe bin zho bzeet Pabl no ti meṉ ne brieeban, nzian zho rzhidznie Pabl, zla zho rëb: ―Na dieṉ pa sti dze lozh yquiaadiag no miṉe rnee luu i.

HECHOS 9:16

Na naa glu lo me gaṉle zha nac grë guieḻnë ne gaṉ me, zeeṉe laa me quiayuṉle xtsiṉ naa.

LUCAS 18:9

Laa grë zha ne riats, zha ne rzac masaque zha wen nac zho nëz lo Dios, haxta rbix zdoo zho raṉ zho grëraa miech, bnee Jesús lo zho, rëb me:

LUCAS 10:16

Blozhse sca bnee me, rëbchaa me lo zho: ―Grëse zha ne yquiaadiag miṉe gnee to, rrieequia naa ga rcaania zho. Zha ne nëdgaa ycaania to, rrieequia naa ga nëd zho ycaania zho; ni zha ne nëd ycaania naa, rrieequia meṉ ne pxeeḻ naa ga nëd zho ycaania zho.

LUCAS 6:22

’Zig nac to, zeeṉe csilo miech glëënie zho to, guṉcxooṉ zho to, yquiaago zho to, gneenë zho to, sac zho haxta ni lë to gondraa zho, loxaque ne nac to zha ne no xnëz Mgui ne pxeeḻ Dios nu, ¡wen zie to ga!

MATEO 24:9

’Zeeṉe laa grë ncuaaṉ rii noyac, ¡nsin goḻso! Sac hor co laa miech tsielo to ladznia zha ne csacsi to, haxta zut zho palal to, grëse miech stsidiḻ zho to loxaque ne nac to zha ne no xnëz naa.

MATEO 5:11

’Zig nac to, zeeṉe csilo grë miech yquiaago zho to, ctsidiḻ zho to, yquiadiidzguizh zho to loxaque ne rliladz to naa, ¡wen zie to ga!

1 CORINTIOS 1:21

¡Diosse nac meṉ ne rieṉ! Bieṉ me grieelod guṉbey miech me por xquieḻrac zho, nacne bnabey me zha ne dib zdoo gliladz xtiidz me, zha co csilaa me; niicle ne rzhidznie miecha, rzac zho ncuaaṉe paat rquiinda.

1 CORINTIOS 1:23

Gacxe waa zeeṉe rnee no lo zho Jesús meṉ ne pquia lo cruz, meṉ cose csilaa miech, rlëë zha Israel ron zhow; laa zha Gres, rzhidznie.

1 CORINTIOS 1:25

Miṉe rzac miech paat rquiind ga beeṉ Dios, ni naṉd zho ndziibguicraa nac miṉ co lo grë xquieḻrac zho; zha ne rzacgaa choḻze cho meṉ nsis ga sca gut lo cruz, ni naṉd zho lëë meṉ co mazdraa ndip lo grëse miech guidzliu.

2 CORINTIOS 6:8

Choot rsaand miṉe pso Dios no nodziuuṉ no, maase niicle miṉe ruṉtaa miech no. No zaatne ruṉnon zho no, nogaa zaatne rzhidznie zho no; no zaatne rneenë zho no, nogaa zaatne rleynie zho no. Niicle ne diidzli rnee no, per no zho rzac noquidiee no miech.

2 CORINTIOS 4:12

Ne nligaa, tibaque noxtseeb no lo guieḻgut ne znu nonee no Xtiidz Jesús; per scagaa, porne biadnee now i laa to bgaa guieḻmban ne gneedz Dios lo to.