1 CORINTIOS 3:10 - Zapotec Mixtepec: Diidz ne rdeed guielmban

¹⁰ Pa lotaa wen Dios, sac bzooblo me naa naa psilo yu co, ni blu me lo naa zhapaa none tsaaw. Nli naa bgaa blee xcimienta, per niina zhaale zha ne nosoquiaw. Tib tib zha ne nosoquia yu co, none guieṉ zho zaacse gzhixcuaa zhow, tsienaḻ zho zigne nacse xcimienta ga,

1 CORINTIOS 3:10 Referans Kwoze

1 CORINTIOS 3:11

sac goṉ nod pe nacne csëëb zho stib cimient, tibaque cimient no, lëë cimient co nac Jesús.

EFESIOS 2:20

Goḻguieṉ gaṉle, grëse ne niina gzoob ne nac ne zig tib yu ne noyaa, yu ne psilo grë zha ne pxeeḻ Dios nonee xtiidz me lo miech niina, grë zha ne pxeeḻgaa me pteed xtiidz me lo miech padzeela, ni Jesús nac quie ne naaz yu co.

ROMANOS 15:20

Ni laa naa noxco za naa zaatne wlaltaa gard gon zho cho nac Jesús, zeeṉa gasëëbd naa zaatne ziyele zha ne güeynee Xtiidz me.

MATEO 24:45

’Goḻgaṉ gaṉle, masaque laa to gac nagoṉ zig tib nguṉdziin ne riaaṉnie ro lidz meṉ ne rquia zho xtsiiṉ. ’Nguṉdziin ne ndzinli, zeeṉe laa meṉ ne quia zho xtsiiṉ ga griee, iṉe niowse guiaaṉ zho guiaaṉnie zho grëraa zha ne no lidz me.

APOCALIPSIS 21:19

Biedz ne ndze igow ga, niapse quie niazh ne lë jasp niaaw; scaque gza tsiipchop quie ne naaz biedz co, niapse quie niazh ngaḻguieew: tiba ngaḻguiee quie niazh ne lë jasp, tiba ngaḻguiee quie niazh ne lë zafir, tiba ngaḻguiee quie niazh ne lë ágata, tiba ngaḻguiee quie niazh ne lë smerald, tiba ngaḻguiee quie niazh ne lë ónice, tiba ngaḻguiee quie niazh ne lë cornalin, tiba ngaḻguiee quie niazh ne lë crisólito, tiba ngaḻguiee quie niazh ne lë beril, tiba ngaḻguiee quie niazh ne lë topás, tiba ngaḻguiee quie niazh ne lë crisoprás, tiba ngaḻguiee quie niazh ne lë jacint, tiba ngaḻguiee quie niazh ne lë amatist.

1 CORINTIOS 9:2

No zha ne rzac nlid Dios pxeeḻ naa, saṉgue to naṉwen to gaṉle me pxeeḻ naa, sac goṉlo to miṉe beṉ naa, miṉe blu naa; ni scagaa niina, lo xquieḻmban to i rlu gaṉle ne nli xtsiiṉ me quiayuṉ naa.

MATEO 7:24

’Zha ne rquiaadiag miṉe rne naa, ni rioxco zho rban zhow zigne naca, rrieequia nac zho ga zig tib zha ndzielguic ne bzaa lidz zaatne nac tib lo quie.

1 PEDRO 4:11

Zha ne rseed miech Xtiidz Dios, none gnee zhow zigne racladz me. Zha ne ruṉgaa pe stib xtsiiṉ Dios, ib yquiad zdoo zho none guṉ zhow dib nacse guieḻndaan ne rdeed Dios lo zho. Ncuaaṉe guṉtaa to, goḻtsienie guic to ne laaw guṉ to par csaṉnon to lë Dios. Ga glu ne xtsiiṉ Jesús quiayuṉ to, meṉ ndzon ne rnabey, meṉ ne gdziṉd dze gdzëë. Sca rieguiaḻa.

2 TIMOTEO 2:15

Tibaque bioxco zaacse grieequia xtsiiṉ Dios, miṉe noyuṉ luu, zeeṉa wen grieequia luu zeeṉe laa luu gdziṉ lo me. Zigne nacse Xtiidz me, sca pseed miecha.

COLOSENSES 4:17

Ni goḻguiab lo Arquip, tsoxco me zaacse guṉ me dziin ne bdeed Dios lo me i.

ROMANOS 12:3

Ne znu nac naa zha ne pquia zdoo Dios noyuṉ naa dziin rii, nligaa laa naa rso diidz lo to, ndzinli goḻgac, ib glude to ncuaaṉe ni nacde to, sinque goḻguieṉ cho nac to, zha rnalo to Dios.

ROMANOS 1:5

Zeeṉe biaad Jesús, ga pxobneṉ me gaṉle tibaque noxco Dios ne; ni niina Diosaque bzooblo naa rxeeḻ me naa none naa Xtiidz me lo grëse miech, zeeṉa gliladz zho me, gon zho diidz gban zho zigne rnabey me.

HECHOS 18:27

Grë zha ne rliladz Jesús ga, zeeṉe gocnaṉ zho laa guic me no tsie me nëz Gres, dzigo ye zho rëb wen tsie me, pquiaa zho ti cart pxeeḻ zho lo zha ne no nëz co zaacse ycaania zho me. Zeeṉe bdziṉ me nëz co, pseed me grë zha co. Rley zho blozh gocnaṉ zho cho nac Jesús;

LUCAS 11:35

Goḻguieṉ sca pa lo rwi to, napaa laa ne tso to lo biini, leḻ lo guieḻcow no to.

SANTIAGO 3:1

Bets, bzian, guiabde to lega tso to glisqui to ncuaaṉe ruṉ stib miech, sac tsod zha ne demaste wen lo guidzliu rii. Zha ne sca ruṉ, rzac zho zha so cseed zho miech, per gacnaṉ zho gaṉle zha ne rseed miech, mazdraa nroob ncuaaṉe tsasqui lo zho gaḻ dze ne laa zho gacredz lo Dios.

1 TIMOTEO 4:16

Bieṉ zaacse goc, bieṉ miṉe nac Xtiidz Dios, miṉ co pseed miech, ib csaand luuw; zeeṉa tedlaa luu lo grëtaa guieḻnë ne no guiaad, ni scagaa haxta grë zha ne rquiaadiag wseed ne rlu luu ni rban zhow, ye zho zlaa zho lo guieḻnë co.

COLOSENSES 1:29

Miṉ co nac dziin ne noxco naa, per led dziin ligada, gane dib nacse guieḻndaan, dib nacse fuerz ne rneedz me lo naa, noxco naa noyuṉ naaw.

ROMANOS 15:15

per lo guits rii goṉ nzian ncuaaṉe rso naa diidz lo to. Guiabde to togo ndox naa lo to, sinque laaw beṉ naa zeeṉa guiaaṉladzde tow.

LUCAS 21:8

Dzigo rëbchaa me lo zho: ―Nsin goḻso, zeeṉa choot yquidiede to. Sac nzian zha ne grieequia, guiab zho laa dze co bdziṉle, guiab zho zha nac Meṉ ne zëëble diidz ga cxeeḻ Dios. ¡Ib gliladzde tow!

APOCALIPSIS 21:14

Lo tsiipchop quie nroob ne zob biedz co, tibga lë xpoxtl meṉ ne nac Xcarner yeeṉ Dios ga quia lo co.

2 CORINTIOS 10:15

Stiba, rdziladzd no gdaannie no xtsiiṉ stib miech. Laa no bii cseed to lozh tsoguic to zha nac Xtiidz Dios, zeeṉa haxta yele to guṉ xyudar no ygaazraa Xtiidz me.

2 PEDRO 3:15

Goḻsoladz gaṉle, porne quiambëz me gbig grëraa miech lo me csilaa me zho lo doḻ, miṉ co gane gard guiaad me. Ye bets ne Pabl, meṉ ne nziuu lo ne, lo grë guieḻbiini ne rdeed Dios lo me rquiaa me grë guits ne zixeeḻ me, zineele me lo to grë miṉe none naa nu.