1 CORINTIOS 13:8 - Zapotec Mixtepec: Diidz ne rdeed guielmban

⁸ Zdziṉ dze yquiindraa cho cteed xtiidz Dios lo miech, yquiindraa gnee zho stib diidz, yquiindraa grë guieḻrac, saṉgue guieḻwleynie gdziṉd dze ne nitlow.

1 CORINTIOS 13:8 Referans Kwoze

1 CORINTIOS 13:13

Goḻgacnaṉ sca gaṉle, grë guieḻbiini co zdziṉ dze ne yquiindraaw, saṉgue ne znu: dib zdoo ne rnalo ne Dios, noniepaa guic ne zac miṉe rnee me, ni rleynie ne samiech ne, lozhda. Per lo gza tsoṉa nagoṉ, guieḻwleynie co nac miṉe gdziṉd dze ne gdzëë.

GALATAS 5:6

Sac zha ne nli nole xnëz Jesús, peet liaadz nodraa zho bey ne rio zha Israel. Miṉe noxcoraa zho nac ne dib zdoo zho gliladz zho Jesús, ni scagaa grieelo gleynie zho samiech zho.

HECHOS 2:4

Horco grëse zho pcaania guieḻbiini ne bdeed Espíritu Sant, psilo zho rnee zho grë xtiidz stib miech miṉe rsiaabtaa me guic zho.

HEBREOS 8:13

Zeeṉe sca bzeet me ne laa me csaṉ stib xtiidz me, ga rlu ne rquiindraa miṉe biaaṉ glo ga; sac nac grë ncuaaṉ gox rquiindraaw, laaw nole par nitlow.

1 CORINTIOS 13:10

Saṉgue gaḻ dze ne laa Dios lozh gzhixcuaa ne zigne no gac ne, grëse guieḻbiini ne rdziaap ne niina, paat yquiindraaw.

1 CORINTIOS 12:10

No lo zho rdeed me guieḻbiini rnab zho lo Dios rac grë milagr, no lo zho rdeed me guieḻbiini rteed zho xtiidz Dios lo miech, no lo zho rdeed me guieḻbiini rieṉ zho cho nac zha ne nlipaa nacnie me, cho zhagaa nacnie meṉdox. No lo zho rdeed me guieḻbiini rnee zho stib diidz ne gard cseed zho, no lo zho rdeed me guieḻbiini rieṉ zho pe rnee zha ne rnee diidz co, dzigo rnee zhow.

HECHOS 19:6

Zeeṉe laa Pabl pxobnia guic zho bnab me gdeed Espíritu Sant guieḻbiini lo zho, hor co psilo zho nzian lo diidz ne rnee zho; ni bnee zho teḻ pe nac miṉe racladz Dios gacnaṉ miech.

LUCAS 22:32

Per laa naa bnable lo Dios, gacnieṉ me luu, csaand me sozitpaa luu lo naa. Gacxe waa, zeeṉe guieṉ luu lëda ga beeṉ luu, luu gnee lo grëraa zha qui, parne tibaque dib zdoo zho gnalo zho naa.

1 CORINTIOS 14:39

Sca nagoṉ naca. Goḻtsoxco sca ygaa to guieḻbiini cteed to xtiidz Dios lo miech, zeeṉa gacnaṉ zho zha racladz Dios gban zho; per scagaa, ib ycade to teḻ cho zha ne rnee stib diidz.

HECHOS 13:1

Lo grë zha ne rliladz Jesús Antioquí, nzian zha ne noteed Xtiidz Dios, nzian zha ne rseed miech Xtiidz Dios no lo zho. Lad grë zha co no Bernabé, no ti mgui lë Simón ne rnee zho “Meṉ Yaas”, no ti meṉ Ciren lë Lus, gaque no Saul, ni ti meṉ lë Manaén, bets pchoob Herod.

1 CORINTIOS 8:2

Zha ne rzac grëlew rac zho, ga rlu zho gaṉle peet rieṉd zho.