1 CORINTIOS 13:10 - Zapotec Mixtepec: Diidz ne rdeed guielmban

¹⁰ Saṉgue gaḻ dze ne laa Dios lozh gzhixcuaa ne zigne no gac ne, grëse guieḻbiini ne rdziaap ne niina, paat yquiindraaw.

1 CORINTIOS 13:10 Referans Kwoze

1 CORINTIOS 13:12

Scadaa nagoṉ rziaac ne niina, palalse rieṉ ne zha nac Dios, rrieequia rdziaṉse ne me niina zigne raṉ ne zhimlë ne lo beeḻze pe tib lë vidr; per zdziṉ dze laa ne dziaṉlo me zigne nacpaa me. Palalse ndioṉ ne niina zha nac me, palalse rsilo rdziaṉ ne me, per gaḻ dze co laa ne dziuuṉbeypaa me zigne ruṉbey me ne niina, naṉpaa me zha nac zdoo ne tib tib ne.

1 CORINTIOS 13:9

Niicle ne nogaa ne guieḻbiini ne rneedz Espíritu Sant, niicle no zha ne rieṉ zha gnee zho Xtiidz Dios lo miech, per palalse nac ncuaaṉe rieṉ ne niina.

1 CORINTIOS 13:11

Masaque nac ne niina zig tib mëëdlas. Teḻ naa, zeeṉe goc naa mëëdlas grëse ncuaaṉe bne naa, grëse ncuaaṉe bieṉ naa, grëse ncuaaṉe pseed naa, grëse ncuaaṉ co beṉ naaw zigne ruṉ grëraa mëëdlas. Per zeeṉe laa naa broob, laa naa biaa biini, grëse ncuaaṉ co laa naa bieṉpaa zha naca; laa guieḻmëëdlas co bded.

FILIPENSES 3:12

Gnid naa togo laa naa beṉle gan, nasi laa naa nacle zigne racladz Jesús gac naa; led scada, laa naa bii noxcow, sac naṉpaa naa zac naa zigne no guic me gac naa zeeṉe psilaa me naa.