1 CORINTIOS 1:11 - Zapotec Mixtepec: Diidz ne rdeed guielmban

¹¹ Sac goṉ në tib zhalidz Cloé lo naa nodiḻlsa to i;

1 CORINTIOS 1:11 Referans Kwoze

1 TIMOTEO 6:4

Zha ne sca rlu stib wseed, lega: tib miech niats ga nac zho, ible peet rieṉd zho, ruṉbeyd zho miṉe nac diidzli, rdziladz zho rdiḻdiidznie zho miech; ga rlan, laa miech rdiḻlsa, laa miech rlëëlsa, laa miech rbidzgolsa; rlozh ga, rliladzdraa zho pe rnee samiech zho. Masaque naṉ zho teḻne sëëb zho xnëz Dios, nroob dimi ne guṉlo zho. ¡Bieṉ ib ctsieelsad luu zha co!

GALATAS 5:26

Dzigosi gacniatsdraa ne lo samiech ne, tsienaḻdraa ne dieṉ cho glaaraa guiaaṉ, tso ne në gac zdoo ne gaṉ ne grë ncuaaṉe rap zho, ncuaaṉe racgaa zho.

1 CORINTIOS 3:3

sacne laa to bii zienaḻ miṉe ruṉ miech guidzliu, laa ne guṉ to miṉe racladz Dios. Goḻguieṉ gaṉle zha rac to, no to rlozhd glëëlsa to, rlozhd tiḻlsa to. ¡Led squid goṉ no gac zha ne nole xnëz Dios!

GALATAS 5:20

riegaṉ zho grë mdio, rnab zho pe sac samiech zho, rlëënie zho samiech zho, rdiḻnie zho samiech zho, rzac zho adeḻ cho glale tsieel zho, rnadse pew laa zho rlëële, ruṉctiḻ zho miech, rguib zho rtso miech, rbeextso zho dieṉ cho zha ne gacnie zho,

GALATAS 5:15

Per teḻ laa ne gleynie to zha ne nacgrë to, leḻ diḻ no to, zig ruṉ grë ma ne lëëque ma noquiaalaylsa, lëëque ma noyowlsa; dzigo lëëque to gnitlo to ga. ¡Guṉscade to!

2 CORINTIOS 12:20

Sac goṉ, rdziladzd naa teḻne glanso naa lo to i, ni gaṉ naa racde to zigne racladz naa; dzigo niicle togaaw, tsod zdoo to zeeṉe gaṉ to laa naa glisquiw. Adeḻ goṉ zeeṉe laa naa glanso i, leḻ diḻ no to; zha ne në rac zdoo dieṉ cho stib noded, zha ne nozhixcuaa diidzguizh, zha ne quianeenë, zha ne quiayacniats; nend haxta chop tsoṉ diile nac to.

FILIPENSES 2:14

Ni ncuaaṉe rieguiaḻ to guṉ to, iṉe nguieeḻ goḻgac goḻguṉa, peet glisquide to, ni niicle tiḻdiidzdgaa to;

1 CORINTIOS 11:18

Ziyon naa gzobtaa zeeṉe rcaalsa to, pe na tsiegald tiḻdiidz to, laa ne tipse gac to leḻ rlëëlsa to. Ni rgobey naa nli scaw.

1 CORINTIOS 1:10

Gacxe waa bets, bzian, laa naa rso diidz lo to niowse goḻgac, tsodiḻdraa to. Iṉe tipse goḻgac grë to, teḻ pe nac dziin ne guṉ to, teḻ pe rzac to, tipse goḻnee. Ne nligaa goḻgona, zig nac zeeṉe Jesúszhal noso diidz rii lo to.

1 CORINTIOS 1:12

no to dieṉ cho xnëz ngab to. No to rnee: “Xnëz Pabl no naa”; riasaque zha ne rnee xnëz Apol no zho, rrieequiagaa zha ne rnee xnëz Pedr no zho; haxta no zho rzac zhase nac zha ne nlipaa no xnëz Jesús.

TITO 3:9

Biche lo zha ne racladz tiḻdiidznie luu grë ncuaaṉ paat rquiind, zig nac grë godiidz dieṉ pe beeṉ grë meṉgol padzeela, dieṉ pe nonguieḻ tsienaḻ ne ley, te nonguieḻda ye. Ncuaaṉe paat rquiind ga, loxaque ruṉctiḻa miech; ni lalnu rieguiaḻd gaquieta.