San Mateo 9:22 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

²² Na' biyec̱hj Jesúza' na' ka ble'ile' noola' chi'ene': ―Btiplalloo, xiiṉ', ba biyakilo' daa chonḻilalloo nad'. Na' lii biyakteyi noola'.

San Mateo 9:22 Referans Kwoze

San Lucas 7:50

Na' Jesúza' chi'e noola': ―Daa chonḻilalloo nad', ba bilo' lao yeḻ' zak'zi'na'. Biyaj mbalaz.

San Mateo 15:28

Na'ch goll Jesúza'ne': ―¡Noolə, nonḻilall'likzo' nad'! Na' gak ka cheenilo'. Na' katena' lii biyakteyi bi' nool c̱he'na'.

San Mateo 9:2

Na' bllinlengake' to beṉ' net ṉi'a neena' lawe'na', nx̱oagake'ne' to lo daa. Na' gokbe'i Jesúza' ḻe nonḻilall'gake'ne', na'ch golle' beṉ' we'na': ―Btiplalloo, xiiṉ', ba biyakxen xtoḻoona'.

San Lucas 18:42

Na'ch che' Jesúza'ne': ―Daa ba chonḻilalloo nad' na' ile'ilo'.

San Lucas 17:19

Na'ch che' Jesúza' beena': ―Bizolla' na' biyaj. Ba biyakilo' daa wyajḻi'o c̱ha'.

San Lucas 8:48

Na'ch goll Jesúza'ne': ―Xiiṉ', daa chonḻilalloo nadaan biyakilo'. Biyaj mbalaz.

San Marcos 10:52

Na' che' Jesúza'ne': ―Wak yiyajo'. Daa ba benḻilalloo nad', ba biyakilo'. Na' katena' lii ble'teile' na' wnoe' Jesúza'.

San Marcos 5:34

Na' che' Jesúza'ne': ―Xiiṉ', daa chonḻilalloo nadaan ba biyakilo'. Biyaj mbalaz daa ba bigaa yillwe'na' bsak'zi' li'.

San Mateo 9:29

Na'ch bex̱' Jesúza' jalawe'ka' na' golle' ḻegake': ―Daa chonḻilall'le nad' na' gak ka cheenile.

Los Hechos 16:18

Na'ch kon ka' wnab' yog' lla, na' gokzedi Páblona', na'ch biyec̱hje', golle' dii x̱iwaa yoob': ―Kon yeḻ' wṉabia' c̱he Jesucrístona' nia' li' bichej. Na' lii bichejte dii x̱iwaa.

San Juan 4:53

Na'ch gokbe'i x̱abaa biyakshao'lall'b' ka gora' goll Jesúza'ne': “Biyaj jawia. Aga wet bi'na'.” Na' ḻe' len yog' beṉ'ka' zoa lille'na' benḻilall'gake' Jesúza'.

Hebreos 4:2

Ḻa' cho' ba benicho dill' wen dill' kob c̱he Chioza', ka daa beni dii x̱ozxto'choka'. Per ḻa'kzi bengakile'n, bi goklenan ḻegake' daa bi wyajḻe'gake' c̱heyin.

Los Hechos 14:9

Na' chi'e chzenague' dillaa choe' Páblona'. Na' Páblona' chwie'ne' na' gokbe'ile' chajḻi'e wak yiyon Chioza' ḻe' kwenc̱he gak see.

San Mateo 17:18

Na'ch bsheshlen Jesúza' dii x̱iwaa yoob' na' bichejan. Na' katena' biyakib'.

San Mateo 8:13

Na'ch che' Jesúza' x̱an soldadka': ―Biyaj lillo'na', na' gak ka cheenilo' daa chajḻi'o c̱ha'. Na' lo lla lo gorzə biyaki xmose'na'.