San Mateo 22:21 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

²¹ Na'ch che'gake'ne': ―C̱he beṉ' wṉabia', Césaran'. Na' che' Jesúza' ḻegake': ―Na'len, ḻi we' Césara' daa naki c̱he', na' ḻekzka' ḻi we' Chioza' daa naki c̱he'.

San Mateo 22:21 Referans Kwoze

Romanos 13:7

Na' chiyaḻ' yiyixjcho c̱he yog' beṉ' shi bi chbag'cho c̱hegake'. Shi chaḻ'cho daa chc̱hixj beṉ'ka' chṉabia' cho', chiyaḻ' c̱hixjchon. Na' beena' chiyaḻ' idap balaaṉ, chiyaḻ' gapchone' balaaṉ. Na' beena' chidoḻ' sho'e balaaṉ, chiyaḻ' koochone' balaaṉ.

Los Hechos 4:19

Na' Pédrona' len Juanna' che'gake': ―Ḻi wwiayeṉ'shki shi nakan wen lao Chioza' wzenagnto' c̱hele lwaa dii wzenagnto' c̱he'.

San Mateo 22:37

Na' Jesúza' golle'ne': ―“Chiyaḻ' gakilo' X̱ancho Chioza' do yic̱hj do lalloo na' ax̱t ga zeelo chajniilo'.”

San Lucas 23:2

Na'ch wzologake' chaogake' xya c̱he Jesúza', che'gake': ―Ba bidoḻinto' beeni chta chṉie' beṉ' wlall c̱hento'ka'. Chi'e bi chiyaḻ' c̱hixjcho daa chṉab Césara', beena' chṉabia', na' ḻekzka' naze' nake' Crístona', na' daa ne' ka' zejin nake' to beṉ' wṉabia'.

Los Hechos 5:29

Na'ch Pédrona' len postlka' sto che'gake': ―Chonchan byen wzenagnto' c̱he Chioza' aga ka c̱he beṉ' yell-lioni.

San Mateo 4:10

Na'ch goll Jesúza' ḻen: ―Biyaj, Satanás, ḻa' Cho'a Xtill' Chioza' nan: “Be'la'o toz X̱ano' Chioza' na' kon daa iṉe', ḻennan' gono'.”

San Mateo 22:20

Na' goll Jesúza' ḻegake': ―¿Nora cho'alawin na' no leyin da' ḻee mechi?

San Marcos 12:17

Na' che' Jesúza' ḻegake': ―Na'len ḻi we' beena' chṉabia' Rómana' daa naki c̱he', na' ḻekzka' ḻi we' Chioza' daa naki c̱he'. Na' ḻe bibangakile' daa golle' ḻegake'.

San Lucas 20:25

Na'ch chi'e: ―Na'len, ḻi we' Césara' daa naki c̱he', na' ḻekzka' ḻi we' Chioza' daa naki c̱he'.