San Lucas 19:42 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

⁴² Na' chi'e: ―¡Sheḻ'ka' ṉaanlla gakbe'ile nakan gonle kwenc̱he soale mbalaz! Per ngashaan laolena' na' aga wakbe'kzile.

San Lucas 19:42 Referans Kwoze

Hebreos 3:15

Kon ka na Cho'a Xtill' Chioza': Shi chenile daa na Chioza' ṉaanlla, bi gakle lall'do' wal ka gok dii x̱ozxto'leka' kana' wdagake' gana' bibi chashj chḻeb, kana' biyec̱hj bibiitezgake' Chioza'.

Los Hechos 10:36

Chioza' bseḻee beṉ' wdix̱je'ile' neto' beṉ' Israel dill' wen dill' kob c̱he'na' nan wak yizoalenchone' mbalaz daa bseḻee Jesucrístona', beena' nak X̱an yog'ḻoḻcho.

Hebreos 3:13

San ḻi wtip lall' ljwell-le yog' lla shlak ṉaa ni de latj wzenagle c̱he Chioza', kwenc̱he bi siye' dii mala' le' na' yiyonan le' lall'do' wal.

San Lucas 19:44

Na' ni sto yaj c̱he lill-leka' bich yikwaaṉgake' koll' ljwellin, na' witgake' le' len xiiṉleka', ḻa' bi gokbe'ile ka bla' Chioza' ladjleni.

Los Hechos 13:46

Na'ch Páblona' len Bernabéna' aga bllebgake', na' gollgake' beṉ' Israelka': ―Benan byen zigaate le' wzajniinto' cho'a xtill' Chioza'. Per daa bi cheenile wzenaglen, chli'le bi chidoḻ'le goṉ Chioza' yeḻ' mban c̱hele zejḻi kaṉi, na' solochoklənto' ṉaa wzajniinto'n beṉ'ka' bi nak beṉ' Israel.

Hebreos 3:7

Daan, Espíritu Sántona' wne': Shi chenile daa na Chioza' ṉaanlla,

San Lucas 19:41

Na' ka billine' gaozə yell Jerusalénna', gokyeshile' ka ble'ile'n na' wchelle' c̱he beṉ'ka' zoa na'.

San Lucas 19:43

Wllin lla ila' beṉ'ka' chakzbangakile' le' na' wzec̱hjgake' yelli leej na' kono gak sho' ichej.