San Lucas 17:22 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

²² Na'ch chi'e beṉ'ka' nakgake'ne' txen: ―Wllin lla kat' gaklall'le ḻa'c̱h' zi shlla ile'chile iṉabi'a, nad', Beṉ' Bseḻ' Chioza' Yell-lioni, na' aga wle'chile nad'.

San Lucas 17:22 Referans Kwoze

San Lucas 5:35

Per wllin lla wkwas beṉ' nad' ladje'ka', kana'chan soagake' wbasaa.

San Mateo 9:15

Na'ch che' Jesúza' ḻegake': ―Kat' chak to wishagna' beṉ'ka' chdi'a chllag lill beṉ' byona' aga chdagake' nyesh', san cheej chaogake'. Na' ka'kzan beṉ'ki nakgake' nad' txen, cheej chaogake' ṉaa zoalen' ḻegake', per wllin lla wkwas beṉ' nad' kwite'ka', kana'chan soagake' wbasaa.

San Juan 13:33

Le' xiiṉdawaa, zi shlollchga zoalen' le'. Na' yiyiljle nad', na' chiznia' le' ka gosh' beṉ'ka' chṉabia' beṉ' Israelka': Gana' yiyaa, bi gak sa'le.

San Marcos 2:20

San wllin lla kat' yikwas beṉ' beena' chshagna' ladje'ka', kana'chan soagake' wbasaa.

San Juan 12:35

Na'ch che' Jesúza' ḻegake': ―Nad' nak' beeni' c̱he beṉ' yell-lioni, per zi shlollchga soalen' le'. Ḻi sho' lo nez ḻina' shlak ni de beeni'na' kwenc̱he bi gak c̱hele ka chak c̱he to beṉ' chaḻile' kat' ngwee' nez. Ḻa' beena' chda' gana' shc̱hoḻ bi ṉezile' galan zeje'.

San Lucas 13:35

Ḻi koo yic̱hjle dga iṉia' le', Chioza' kwej yic̱hje' gani zoale. Na' nia' le', aga wle'chile nad' ax̱t kat'ch illin lla iṉale: “¡Gaklenshga X̱ancho Chioza' beeni ba bseḻee!”