San Lucas 14:3 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

³ Na'ch Jesúza' wṉabile' fariseoka' na' beṉ'ka' chli' chsedi leya', chi'e ḻegake': ―¿Ade lsens yiyoncho to beṉ' bi shao' llani chombaaṉcho, anti bi den?

San Lucas 14:3 Referans Kwoze

San Mateo 12:10

Na' ladj beṉ'ka' len to beṉ' net tḻaa neena'. Na' fariseoka' chwiagake' naklə ka si' sengake' kwenc̱he gaogake' xya c̱he Jesúza', na'ch wṉabgakile'ne', che'gake': ―¿Beran na leya'? ¿Ade lsens yiyoncho to beṉ' bi shao' llani chombaaṉcho?

San Lucas 6:9

Na'ch goll Jesúza' beṉ'ka': ―Ni iṉabid' le': ¿Beran na leya' chiyaḻ' goncho lla sabdka'? ¿Agoncho dii wenna' anti goncho dii mala'? ¿Ayislacho beṉ' anti witchone'?

San Marcos 3:4

Na'ch wṉabile' beṉ'ka' ndop nllag na': ―¿Beran na leya' chiyaḻ' goncho lla sabdka'? ¿Agoncho daa nak wen, anti goncho daa nak mal? ¿Ayislacho beṉ', anti witchone'? Na' kokzno billii xtilleena'.

San Juan 7:23

Na' shi choe'le latj sho' bi' byodo'ka' seṉ daa le circuncisión lo llana' chombaaṉcho kwenc̱he gak ka na leya' daa bzej dii Moiséza', ¿bic̱he chllaazle nad' daa biyon' to beṉ' llana' chombaaṉcho?

San Mateo 22:35

Na' to beena' chli' chsedi leya' wṉabile' Jesúza' kwenc̱hezə wchix̱eene', chi'e:

San Mateo 12:2

Na' ka ble'i fariseoka' daa chon beṉ'ka', na'ch che'gake'ne': ―Bwia ka chon beṉ'ki nakgake' li' txen, chongake' daa bi chiyaḻ' goncho llani chombaaṉcho.

San Lucas 14:2

Na' lawe'na' ze to beṉ' yo'e yi.

San Lucas 14:4

Na' ḻegake' bikzə bi gollgake'ne'. Na'ch Jesúza' bex̱ee beena' yoo yina' na' biyone'ne', na' golle'ne': ―Wak yiyajo'.