San Juan 21:17 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

¹⁷ Na' de wyoṉ shii wizṉabile'ne', chi'ene': ―Simón, xiiṉ Jonás, ¿ana' chakilo' nad'? Na' gokyeshii Pédrona' daa ba gok shoṉ shii chṉab Jesúza' shi chakile'ne', na' chi'ene': ―X̱an', ṉez nḻe'ilo' yog'ḻoḻte, na' ṉezkzilo' chakid' li'. Na'ch che' Jesúza'ne': ―Na'len wdap bwia beṉ'ka' chonḻilall'gake' nad', beṉ'ka' nak ka xil'do' c̱ha'.

San Juan 21:17 Referans Kwoze

San Juan 13:38

Na' Jesúza' chi'ene': ―¿Achakilo' ba nc̱hoglalloo gueto' ni c̱ha'? Dii ḻi nia' li', shoṉ shii bi wc̱hebo' shi nombi'o nad' ka zi' kwell-lə shikwteza'.

San Marcos 14:72

Na' katena' lii wchellte teza' de wchop shii. Na' jadini Pédrona' daa goll Jesúza'ne': “Ka zi' kwell teza' de wchop shii, na' gak shoṉ shii bi wc̱hebo' shi nombi'o nad'.” Na' wzoloe' chbelle'.

San Juan 16:30

Na' chakbe'into' ṉez nḻe'ilo' yog'ḻoḻte, na' aga chonan byen no bi iṉabzi li', ḻa' ba ṉezlilo' bin iṉabile' li'. Daan chajḻe'nto' dii ḻi zoo gana' zoa Chioza'.

Apocalipsis 2:23

Na' wit' beṉ'ka' nak ka xiiṉe' daa chongake'ne' txen. Na' yog' beṉ'ka' chdop chllag choe'la'ogake' nad' to to yell iṉezgakile' nan nadaan nombi'a do ka nak yic̱hjlall'do' beṉ', na' gonid' to tole kon ka nak daa chonle.

Efesios 4:30

Na' bi gonle ka soayesh' Espíritu Santo c̱he Chioza', beena' ba nzoe' ḻoo yic̱hjlall'do'chona' kwenc̱he chakbe'icho ba nakcho lall' na' Chioza' shlak illin lla yikee cho', cho' ba biya'o bizi'e.

Los Hechos 15:8

Chioza', beena' nombi'e yic̱hjlall'do' yog' beṉ', bli'e nan chlebe' beṉ'ka' bi nak beṉ' Israel daa bseḻee Espíritu Sántona' zoe' ḻoo yic̱hjlall'do'eka' kon ka bene' c̱hecho.

San Juan 15:10

Shi gonle daa nllia' bia' gonle, na'ch gakbe'ile ḻe chakid' le', ka chon' nad', chon' daa nllia X̱a'na' bia' gon', na' ka' chakbe'id' ḻe chakile' nad'.

San Juan 14:15

’Shi chakile nad', ḻi gon diika' nllia' bia' gonle.

2 Pedro 3:1

Le' beṉ' bish'dawaa na' le' beṉ' zandawaa, dgan de wchop shii chzej' le'. Na' c̱hopten choe'len' le' dill' kwenc̱he chisaa lall'le sele wṉeyi c̱he dii wenna' daa ba ṉezile.

1 Pedro 1:6

Na' ni c̱heyi dgan chiba chizakile, ḻa'kzi llaki ṉaa wde wdeli dii chdiḻ chllagle tolde.

2 Corintios 1:12

De to dii chakyiblennto': daa ṉezyeṉ'into' do yic̱hj do lallnto' nsa' c̱hento' wen ladj beṉ' yell-lioni, ka chazlall' Chioza', na' chonnto' to dii byen chonchnto' wen ladjlena'. Na' aga yeḻ' sin' c̱he beṉ' yell-lionin chaklenan neto' chonnto' ka', san Chiozan' chaklene' neto'.

Los Hechos 1:24

Na' be'ḻwillgake' Chioza', che'gake': ―Chios, beṉ' nak X̱annto', li' nombi'o yic̱hjlall'do' yog' beṉ'. Bliyi neto' no beṉ'ki c̱hop ba wlejo'

San Juan 18:27

Na' stokzə bi bc̱heb Pédrona', na' lii wchellte shikwteza'.

San Juan 18:4

Na' Jesúza' ba ṉezkzile' yog' daa zi' gak c̱he', na'ch bcheje' jatiḻe' ḻegake', na' chi'e: ―¿Non chiyiljle?

San Juan 12:8

Ka nak beṉ' yesh'ka', toshiizin soakz beṉ'ka' ladjleni, san nad', aga toshiizin soalen' le'.

San Mateo 25:40

Na' nad', beṉ' wṉabia', yepgakee: “Dii ḻi nia' le', yog' daa benle c̱he beṉ'ka' byallj bc̱hini, beṉ'ka' nak beṉ' bishaa na' beṉ' zan', ḻa'kzi bi nakgake' beṉ' zakii, nad'kzan benile ka'.”

Apocalipsis 3:19

Nad' chsheshlen' yog' beṉ'ka' chakid', na' chsak'zi'a ḻegake' kat' bi chongake' wen. Na' daan, ḻi gon ka dii le, na' ḻi yiyaj yileni.

San Juan 21:18

Dii ḻi nia' li', ka goko' beṉ' wew', gokw xalaano' to kwinzo' na' wyajo' kon ga wnan c̱ho'. Per kat' ba gox̱oo, wḻi nooka' na' yiwakw beṉ' yoblə xalaano'na', na' wc̱hi'e li' ga bi cheenilo' shajo'.

San Juan 4:16

Na' che' Jesúza'ne': ―Biyaj jaṉe beṉ' c̱ho'na', na' dalene' ni.

Los Hechos 11:10

Gokte shoṉ shii wne ka', na'tech biyep lech' xenna' yabana'.